ಕವಿತೆ

*ಮುದಗೊಳ್ಳಲಿ ಹೃದಯ*

ಬಂದನದೋ ಬಂದನದೋ
ಜಗ ಬೆಳಗಲು ಸೂರ್ಯ
ತೆರೆದನದೋ ಚಂದವಿದು
ಪ್ರಕೃತಿಯ ಸೌಂದರ್ಯ

ಇರುಳ ಏಕತಾನತೆ ಕಳೆದು
ಬೆಳಕ ಘನತೆ ತಂದು
ಹಕ್ಕಿಗಳಿಂಚರದ ಸಡಗರಕೆ
ಹೂಚೆಲುವಿನ ಉಡುಗೊರೆಯಿತ್ತ

ಎಲೆಯ ಮೇಲಿನ ಇಬ್ಬನಿಯಲ್ಲಿ
ದಿನಕೆ ಮುನ್ನುಡಿ ಬರೆದ
ಕಾಲದ ರಥವನೇರಿ ನಿಲ್ಲದೆ
ದಿನವೆಲ್ಲ ದಣಿಯದೆ ನಡೆದ

ದಿನಕರನ ದಯವಿರದೆ
ಬದುಕಿಗೆಂದೂ ಬೆಳಕಿಲ್ಲ
ಈ ಹಿತಕರ ಅನುಭವ
ಪಡೆಯದೇ ದಿನದಿ ಖುಷಿ ಇಲ್ಲ

ಶುಭೋದಯದ ಆಶಯ
ಸವಿಯೋಣ ಆ ವಿಸ್ಮಯ
ಮುಂಜಾನೆಯ ಈ ಸಮಯ
ಮುದಗೊಳ್ಳಲಿ ಹೃದಯ

0818ಎಎಂ20122017
ಅಮುಭಾವಜೀವಿ
(ಅಪ್ಪಾಜಿ ಎ ಮುಸ್ಟೂರು)