ಕವಿತೆ

ಬರದ ಛಾಯೆ ಎಲ್ಲೆಲ್ಲೂ ಕವಿದು

ಧರೆಯಾಗುತ್ತಿದೆ ಎಲ್ಲಾ ಬರಿದು

ಮೌನ ತಡೆಗ ಮೋಡಗಳೇ

ಒಮ್ಮೆ ಕೇಳಿ ರೈತ ಮಕ್ಕಳ ಅಳಲು

ಏನಾಗಿದೆಯೋ ನಿಮಗೆ

ಇಲ್ಲಿ ಬಂದು ನಾಲ್ಕನಿಯ ಚೆಲ್ಲಿ ಹೋಗಲು

ಬೆಳೆದ ಬೆಳೆ ಅರ್ಧಕ್ಕೆ ಅಸುನೀಗಿದೆ

ಬಿತ್ತಿದ ರೈತನಾಗಿ ಕೂತು ತಂದಿದೆ

ಸಾಲದ ಶೂಲ ಕೇಕೆ ಹಾಕಿ ನಕ್ಕಿದೆ

ನೇಣಿನ ಕುಣಿಕೆಯೊಳಗೆ ರೈತನ ಕತ್ತು ಸಿಕ್ಕಿಕೊಂಡಿದೆ

ಒಡೆಯಲಿಲ್ಲದ ಮನೆಯ ಮೇಲೆ

ನೂರಾರು ಸಂಕಷ್ಟಗಳು ಎರಗಿ ಬಿದ್ದಿವೆ

ಬಡತನದ ಬೇಗೆಯ ಜೊತೆಗೆ

ಸಾವು ನೋವುಗಳ ಸರಮಾಲೆಗೆ ಸೋತು ಹೋಗಿವೆ

ಎಲ್ಲಕ್ಕೂ ಉಪಶಮನ ಮಳೆಯ ಹನಿಯಿಂದ

ಜಗಕ್ಕೆ ಜೀವ ಚೇತನ ಮಳೆ ಹನಿಯಿಂದ

ಮುನಿದು ಕೂರದೆ ಕನಿಕರ ತೋರಿಸಿ

ನಿಮ್ಮನೆ ನಂಬಿದ ಜನಜಾನುವಾರುಗಳ ರಕ್ಷಿಸಿ

ಅಲ್ಲೆಲ್ಲೋ ಸುರಿದು ವ್ಯರ್ಥವಾಗಿ ಹರಿದು

ಸಾಗರದ ಉಪ್ಪಾಗುವ ಬದಲು

ಬಯಲು ಸೀಮೆಯ ಬರಿದಾದ ಬದುಕಿಗೆ

ಒಮ್ಮೆ ಬಂದು ಬಿಡಿ 

__RECORD__

ಮರುಪೂರಣಗೈಯಲು

0525 ಪಿಎಂ 23092023

ಅಮುಭಾವಜೀವಿ ಮುಸ್ಟೂರು

ಮೋಸ ಹೋಯಿತು ಹೃದಯ

ಅರಿಯದೆ ಅವಳ ಆಂತರ್ಯ

ಅವಳ ಪ್ರೀತಿಯ ಆಟಕ್ಕೆ ಬಲಿಯಾದೆ

ಅದರಿಂದ ಜಗದೆದುರು ಖಳನಾದೆ

ಇದರಿಂದ ಬಹುದೊಡ್ಡ ಪಾಠ ಕಲಿತೆ

ಇದಕ್ಕೆ ಕಾರಣ ಅಲ್ಲಿತ್ತು ನಂಬಿಕೆಯ ಕೊರತೆ

ಎಲ್ಲ ಚೆನ್ನಾಗಿರುವಾಗ ಇತ್ತು ನಂಬಿಕೆ

ಭಿನ್ನ ರಾಗಕೆ ಮುರಿದುಬಿತ್ತು ಒಡಂಬಡಿಕೆ

ಆಗಲೇ ಆವರಿಸಿತು ಅನುಮಾನ

ಅದರ ಬೆನ್ನಲ್ಲೇ ಮಾಡಿದ್ದು ಅವಮಾನ

ಬದುಕಿನ ಸ್ವಚ್ಛಂದದ ಕೊಳಕ್ಕೆ ಕಲ್ಲೆಸೆದಳು

ಎಲ್ಲದರ ಮೂಲ ನೀನೆಂದು ಗೂಬೆ ಕೂರಿಸಿ

ಅವರಿವರು ಆಡಿಕೊಳ್ಳುವರೆಂದು ದೂರತಳ್ಳಿ

ನಂಬಿದ ಹೃದಯಕ್ಕೆ ಇಟ್ಟು ಹೋದಳು ಕೊಳ್ಳಿ

ಜೀವನದ ಈ ಓಟದಲ್ಲಿ ಸೋತೆ

ಕಂಗಾಲಾಗಿ ದಾರಿ ಕಾಣದೆ ಕುಳಿತೆ

ಮೋಸ ಹೋದ ಪ್ರೀತಿಗೆ ಹೊಸ ನಿದರ್ಶನವಾದೆ

ದೀಪದ ಬೆಳಕಿಗೆ ಮೈಸುಟ್ಟು ಪತಂಗವಾದೆ

ಸಂಪೂರ್ಣ ಅರಿತುಕೊಳ್ಳದೆ 

ಮನಸ್ಸು ಮಾತು ಕೊಡದಿರಿ

ಆಕರ್ಷಣೆಗೆ ಬಲಿಯಾಗಿ

ಬದುಕಲ್ಲಿ ಮೂರ್ಖರಾಗದಿರಿ

0548ಪಿಎಂ23092023

*ಅಮುಭಾವಜೀವಿ ಮುಸ್ಟೂರು*

*ತನಗ*

ಬದುಕಿನ ಗತಿಯು

ಬಯಸಿದೆ ಪ್ರೀತಿಯ

ಬಳಲಿದ ಹೃದಯ

ಬೇಡಿದೆ ಶುಭಾಶಯ

ಹಾದಿಗೊಬ್ಬ ಸಂಗಾತಿ

ಸಿಕ್ರೆ ಬಾಳ್ಗೆ ಸಂತೃಪ್ತಿ

ಆಡುವ ಪ್ರೀತಿ ಮಾತು

ಕಳೆವುದು ಆ ಸುಸ್ತು

ಮುಸ್ಸಂಜೆಯ ಗೋಧೂಳಿ

ಒಲವಿನ ತಂಗಾಳಿ

ಏಕಾಂತ ಕಚಗುಳಿ

ಪ್ರೀತಿಯ ಬಳುವಳಿ

೦೬೧೩ಪಿಎಂ೨೩೦೯೨೦೨೩

*ಅಮುಭಾವಜೀವಿ ಮುಸ್ಟೂರು*

ಭಾದ್ರಪದದ ಚೌತಿಗೆ ಬಂದು

ಕಾಯ್ಕಡಬು ಹೊಟ್ಟೆ ತುಂಬ ತಿಂದು

ಮೂಷಕನ ಮೇಲೆ ಖುಷಿಯಿಂದ ಹೊರಟ

ಶಿವಸುತ ಪಾರ್ವತಿ ಪುತ್ರ ಗಣಪ

ಬೀದಿ ಬೀದಿಯಲ್ಲಿ ಅಂದ ಚಂದದ ಮಂಟಪ

ನಿತ್ಯ ಪೂಜೆ ಮಾಡುವರು ಭಕ್ತರು ಹಚ್ಚಿ ಧೂಪ

ಆ ಬಾಲ ವೃದ್ಧರ ಪ್ರೀತಿಯ ದೈವ

ಮನೆ ಮನೆಯಲ್ಲಿ ವಿಜೃಂಭಿಸಿದೆ ಗಣೇಶೋತ್ಸವ

ಮೋದಕ ಪ್ರಿಯ ಗಜವದನ

ಆದಿ ಪೂಜಿತ ಗಜಾನನ

ತಾಯಿ ಗೌರಿಯೊಂದಿಗೆ ಬರುವ

ಸುಬ್ರಹ್ಮಣ್ಯನಗ್ರಜ ಗಣಪ

ನಗುವ ಚಂದ್ರಗೆ ಶಾಪವಿತ್ತ ಅಂದು 

ಕೃಷ್ಣನ ಶಾಪವಿಮೋಚನೆ ಮಾಡಿದ ಬಂದು

ವಿಘ್ನ ನಿವಾರಕ ವಿಘ್ನೇಶ ದೇವ

ಹರಸಿಹೋಗು ಈ ನಮ್ಮ ಜಗವ

ಸ್ವಾತಂತ್ರ್ಯ ಚಳುವಳಿಯ ಸಂಘಟಕ

ಸ್ವಾಭಿಮಾನದ ಸರ್ವಶ್ರೇಷ್ಠ ವಿನಾಯಕ

ಕಲಿಯುವ ಮನಸ ಹರಸು ವಿದ್ಯಾ ಪ್ರದಾಯಕ

ಕರುನಾಡಿನ ಮನೆ ಮಗ ಮೂಷಿಕ ವಾಹನ

೦೯೧೯ಪಿಎಂ೨೩೦೯೨೦೨೩

*ಅಮುಭಾವಜೀವಿ ಮುಸ್ಟೂರು*