ನೆನಪುಗಳ ನೌಕಾಯಾನ

ಭರವಸೆಯ ಬೆನ್ನಮೇಲೆ
ನೆನಪುಗಳ ನೌಕಾಯಾನ
ಕನಸುಗಳ ಕಡಲತೀರಕ್ಕೆ
ನನಸುಗಳ ಆಲಿಂಗನ

ನಗುವೆಂಬ ಚಂದಿರನ
ಕಂಡಾಗ ಶೃಂಗಾರ ತಾಣ
ಮೌನದ ಪಲ್ಲಂಗದಲ್ಲಿ
ಉಕ್ಕುವ ತೆರೆಗಳ ಸವಿಗಾನ

ಯೌವ್ವನದ ಅಬ್ಬರಕ್ಕೆ
ಎದೆ ತೀರದ ಮೌನದೊಪ್ಪಿಗೆ
ಯಾನದ ಅಡೆತಡೆಗೆ
ಮಾನ ಸ್ವಾಭಿಮಾನಗಳ ರಕ್ಷೆ ನಮಗೆ

ಸುಳಿಗಳ ಭಯವಿಲ್ಲ
ಸಮಯದ ವ್ಯಯವಲ್ಲ
ಸಹನೆಯ ಶ್ರಮಕಿಲ್ಲಿ
ಒಲವಿನ ಬಹುಮಾನ

ಸಂಕಲ್ಪ ಸಾಧನೆಗೆ
ಸ್ಪಂದನ ಭಾವನೆಗೆ
ಸ್ವಾಭಿಮಾನ ಬದುಕಿಗೆ
ಪ್ರೀತಿಯೊಂದೇ ವಿಶ್ವಕ್ಕೆ

ಅಮುಭಾವಜೀವಿ

ಭವಾನಿ ಶಂಕರ್ ಅವರ ಪ್ರತಿಕ್ರಿಯೆ

*ಕವನ ಉತ್ತಮವಾಗಿ ಮೂಡಿಬಂದಿದೆ.*
*ಉತ್ತಮ ಅಂಶಗಳು*👇
೧. ಕವನವನ್ನು ಚೆನ್ನಾಗಿ ಪ್ರಸ್ತುತ ಪಡಿಸಿದ್ದಿರಿ.
೨. ಪದಪುಂಜ ಮತ್ತು ಪದಜೋಡಣೆ ಚೆನ್ನಾಗಿದೆ.
೩. ಭರವಸೆ, ನೆನಪು,ಕನಸು ನನಸುಗಳ ಸಾಲಂಕೃತವನ್ನು ಪ್ರಜ್ಞಾಪೂರ್ಣವಾಗಿ ವ್ಯಕ್ತಪಡಿಸಿದ್ದಿರಿ.
೪. ಮಾನ ಸ್ವಾಭಿಮಾನವನ್ನು ರಕ್ಷೆಯಾಗಿ ಬಿಂಬಿಸಿದ ರೀತಿ ಸೂಪರ್ಬ್.

*ಉತ್ತಮವಾದ ಕವನಕ್ಕೆ ವಂದನೆಗಳು.*
*ವಿಮರ್ಶೆ: 🐿ಶಂಕರ್ ಗುರು*