ಕವನ

.ಮರೆಯಲು ಸಾಧ್ಯವೇ 

ನೀ ಮಾಡಿದ ಮೋಸವ 

ತಪ್ಪು ಮಾಡದ ಬದುಕಲಿ

ನೀ ಹೊರಿಸಿದೆ ಆರೋಪವ

ಮೋಸಗಾತಿ ನೀನೆಂಬುದು ಗೊತ್ತು

ಆದರೆ ಅದನು ನಂಬದೀ ಜಗವು

ಗಂಡೆಂಬ ಕಾರಣಕೆ ಆರೋಪಿಯಾದೆ

ಹೆಣ್ಣ ಕಣ್ಣೀರಿಗೆ ಸತ್ತುಹೋಯ್ತು ಸತ್ಯವು

ಆತ್ಮ ಸಾಕ್ಷಿಯ ಕೇಳಿ ನೋಡು 

ಉತ್ತರವಲ್ಲಿ ಸಿಕ್ಕುವುದು 

ನೀ ಬದುಕುವುದಕಾಗಿ ಇಲ್ಲಿ 

ಇನ್ನೊಬ್ಬರ ವ್ಯಕ್ತಿತ್ವಕೆ ಮಸಿ ಬಳಿದೆ

ಉಸಿರಿರುವ ತನಕ ವಾಸಿಯಾಗದು 

ಇಡೀ ಬದುಕು ಘಾಸಿಗೊಂಡಿಹುದು

ನಂಬಿಕೆಯ ಕತ್ತು ಹಿಸುಕಿ ಕೊಂದೆ ನೀನು 

ನಿರಪರಾಧಿಗೆ ಶಿಕ್ಷೆ ಕೊಟ್ಟೆ ಸರಿಯೇನು

ನೊಂದ ಹೃದಯದ ಶಾಪವಿದು 

ನೀ ಅನುಭವಿಸಲೇಬೇಕು ನೋವು 

ಪ್ರೀತಿಯ ನಿನ್ನಾಟಕೆ ಸೋತ ನನಗೆ 

ದಕ್ಕಲೇಬೇಕು ಕೊನೆಗೆ ಗೆಲುವು

0947ಪಿಎಂ12102022

*ಅಮಭಾವಜೀವಿ ಮುಸ್ಟೂರು*

ಕವಿತೆ

ಒಂದೊಂದೇ ಹನಿಗಾಗಿ ಕಾದುಕುಳಿತ

ಬಯಲ ಬವಣೆಯ ಬದುಕು ನನ್ನದು

ಮೋಡ ಕಟ್ಟಿದರು ಮಳೆ ಸುರಿಯಲಾರದು

ಬಾಯಾರಿದ ಒಡಲು ಬಿರುಕು ಬಿಟ್ಟಿಹುದು

ಅದೇಕೋ ಕಾಣೆ ಬಯಲೆಂದರೆ

ಮಳೆಗೇಕೋ ಅಷ್ಟಕ್ಕಷ್ಟೇ

ಬಂದದ್ದಕ್ಕಷ್ಟೇ ತೃಪ್ತಿಗೊಳ್ಳದೆ ವಿಧಿಯಿಲ್ಲ

ಬಿರುಕು ಮುಚ್ಚಲು ಅದು ಸಾಕಾಗೋಲ್ಲ

ಬತ್ತಿದ ಕೆರೆ ಕಟ್ಟೆಗಳ ಅಸ್ತಿತ್ವವೇ

ಇಲ್ಲದಂತೆ ಮಾಯವಾಗಿದೆ

ಅಂತರ್ಜಲವೆಂಬ ಜೀವಜಲ

ಸಿಕ್ಕುವುದು ಕೂಡ ದುರ್ಲಭವಾಗಿದೆ

ಮನುಜನ ಅಟ್ಟಹಾಸದ ಪರಮಾವಧಿಗೆ

ಶಿಕ್ಷೆ ಮಾತ್ರವೇ ಏಕೆ ನನಗೆ

ಎಲ್ಲ ಜೀವಗಳ ಸ್ವತ್ತು ನಾನೆಂಬುದ 

ಮರೆತ ಮಾನವ ಹಾಳಾಗೈದ ಆಸೆಗೆ

ಬಿಕ್ಕಳಿಕೆಗೂ ಸಾಕಾಗದು ಈ ತುಂತುರು

ಬಾಯಾರಿಕೆ ಕಟ್ಟುತ್ತಿದೆ ಉಸಿರು

ಬಸಿರು ಬಂಜೆಯಾಗುತ್ತ ಸಾಗಿದರೆ

ಬದುಕಿನಸ್ತಿತ್ವಕೆ  ಕುತ್ತು ತಂದಿದೆ

0253ಪಿಎಂ09102022

*ಅಮುಭಾವಜೀವಿ ಮುಸ್ಟೂರು*

ಕವಿತೆ

ಬೆಳದಿಂಗಳ ರಾತ್ರಿಯಲ್ಲಿ

ನೀನಿರಲು ಜೊತೆಯಲ್ಲಿ

ಇರುಳೆಲ್ಲಾ ಹಗಲಾಯಿತು

ಜೀವನದ ಯಾನದಲ್ಲಿ

ಸಂಗಾತಿಯ ಜೊತೆ ಸಹ ಪಯಣದಲ್ಲಿ

ಬದುಕಿಗೆ ಈಗ ಸುಖ ತಂತು

ಎಡವದೆ ನಡೆಸಲು ನೀ ಬಂದೆ

ಪ್ರೀತಿಯ ಎರವಲು ನೀ ತಂದೆ

ಬಾಳಿಗೆ ಆಸರೆ ನೀನಾದೇ

ಕಷ್ಟಗಳ ಎದುರಿಸುವ ಛಲ ತಂದೆ

ದುಡಿಯಲು ಬೆನ್ನೆಲುಬಾಗಿ ನೀನಿಂದೆ

ನನ್ನದೇನಿದೆ ನಿನ್ನೀ ಶ್ರಮದ ಮುಂದೆ

ಆಡಿಕೊಳ್ಳುವವರ ಎದುರು

ಸಾಧಿಸಿ ತೋರು ಎಂದು

ನೀನಂದು ಸ್ಫೂರ್ತಿ ತುಂಬಿದೆ

ಸಾಧಕನಾಗಿ ಜಗದ ಮುಂದೆ

ನೀನಿರಲು ನನ್ನ ಬೆನ್ನ ಹಿಂದೆ

ಸೋತವನ ಗೆಲ್ಲಿಸಿದ್ದು ನಿನ್ನ ಪ್ರೀತಿ ಒಂದೇ

ನೋವುಗಳನ್ನೆಲ್ಲಾ ಹೂವಾಗಿಸಿ

ನಲಿವಿನಲ್ಲಿ ನನ್ನ ನೀನಿರಿಸಿ

ಸತಿಯಾದೆ ಸಪ್ತಪದಿ ತುಳಿದು

ಏನೇ ಬಂದರು ಕೈ ಬಿಡಲಾರೆ

ನೀನಿಲ್ಲದೆ ನಾ ಬದುಕಲಾರೆ

ಜಗ ಮೆಚ್ಚಲಿ ಸಾಧಕ ದಂಪತಿಯೆಂದು

0909ಪಿಎಂ02102022

*ಅಮುಭಾವಜೀವಿ ಮುಸ್ಟೂರು*