ಕವನ

.ಮರೆಯಲು ಸಾಧ್ಯವೇ 

ನೀ ಮಾಡಿದ ಮೋಸವ 

ತಪ್ಪು ಮಾಡದ ಬದುಕಲಿ

ನೀ ಹೊರಿಸಿದೆ ಆರೋಪವ

ಮೋಸಗಾತಿ ನೀನೆಂಬುದು ಗೊತ್ತು

ಆದರೆ ಅದನು ನಂಬದೀ ಜಗವು

ಗಂಡೆಂಬ ಕಾರಣಕೆ ಆರೋಪಿಯಾದೆ

ಹೆಣ್ಣ ಕಣ್ಣೀರಿಗೆ ಸತ್ತುಹೋಯ್ತು ಸತ್ಯವು

ಆತ್ಮ ಸಾಕ್ಷಿಯ ಕೇಳಿ ನೋಡು 

ಉತ್ತರವಲ್ಲಿ ಸಿಕ್ಕುವುದು 

ನೀ ಬದುಕುವುದಕಾಗಿ ಇಲ್ಲಿ 

ಇನ್ನೊಬ್ಬರ ವ್ಯಕ್ತಿತ್ವಕೆ ಮಸಿ ಬಳಿದೆ

ಉಸಿರಿರುವ ತನಕ ವಾಸಿಯಾಗದು 

ಇಡೀ ಬದುಕು ಘಾಸಿಗೊಂಡಿಹುದು

ನಂಬಿಕೆಯ ಕತ್ತು ಹಿಸುಕಿ ಕೊಂದೆ ನೀನು 

ನಿರಪರಾಧಿಗೆ ಶಿಕ್ಷೆ ಕೊಟ್ಟೆ ಸರಿಯೇನು

ನೊಂದ ಹೃದಯದ ಶಾಪವಿದು 

ನೀ ಅನುಭವಿಸಲೇಬೇಕು ನೋವು 

ಪ್ರೀತಿಯ ನಿನ್ನಾಟಕೆ ಸೋತ ನನಗೆ 

ದಕ್ಕಲೇಬೇಕು ಕೊನೆಗೆ ಗೆಲುವು

0947ಪಿಎಂ12102022

*ಅಮಭಾವಜೀವಿ ಮುಸ್ಟೂರು*