ಕವಿತೆ

ಬೆಳದಿಂಗಳ ರಾತ್ರಿಯಲ್ಲಿ

ನೀನಿರಲು ಜೊತೆಯಲ್ಲಿ

ಇರುಳೆಲ್ಲಾ ಹಗಲಾಯಿತು

ಜೀವನದ ಯಾನದಲ್ಲಿ

ಸಂಗಾತಿಯ ಜೊತೆ ಸಹ ಪಯಣದಲ್ಲಿ

ಬದುಕಿಗೆ ಈಗ ಸುಖ ತಂತು

ಎಡವದೆ ನಡೆಸಲು ನೀ ಬಂದೆ

ಪ್ರೀತಿಯ ಎರವಲು ನೀ ತಂದೆ

ಬಾಳಿಗೆ ಆಸರೆ ನೀನಾದೇ

ಕಷ್ಟಗಳ ಎದುರಿಸುವ ಛಲ ತಂದೆ

ದುಡಿಯಲು ಬೆನ್ನೆಲುಬಾಗಿ ನೀನಿಂದೆ

ನನ್ನದೇನಿದೆ ನಿನ್ನೀ ಶ್ರಮದ ಮುಂದೆ

ಆಡಿಕೊಳ್ಳುವವರ ಎದುರು

ಸಾಧಿಸಿ ತೋರು ಎಂದು

ನೀನಂದು ಸ್ಫೂರ್ತಿ ತುಂಬಿದೆ

ಸಾಧಕನಾಗಿ ಜಗದ ಮುಂದೆ

ನೀನಿರಲು ನನ್ನ ಬೆನ್ನ ಹಿಂದೆ

ಸೋತವನ ಗೆಲ್ಲಿಸಿದ್ದು ನಿನ್ನ ಪ್ರೀತಿ ಒಂದೇ

ನೋವುಗಳನ್ನೆಲ್ಲಾ ಹೂವಾಗಿಸಿ

ನಲಿವಿನಲ್ಲಿ ನನ್ನ ನೀನಿರಿಸಿ

ಸತಿಯಾದೆ ಸಪ್ತಪದಿ ತುಳಿದು

ಏನೇ ಬಂದರು ಕೈ ಬಿಡಲಾರೆ

ನೀನಿಲ್ಲದೆ ನಾ ಬದುಕಲಾರೆ

ಜಗ ಮೆಚ್ಚಲಿ ಸಾಧಕ ದಂಪತಿಯೆಂದು

0909ಪಿಎಂ02102022

*ಅಮುಭಾವಜೀವಿ ಮುಸ್ಟೂರು*