ಕವನ

ಕನಸುಗಳ ಗೂಡೊಳಗೆ
ಮನದ ಭಾವನೆಗಳಿಗೆ
ತುಸು ಜಾಗವಿದೆ
ಮಿಡಿಯುತಿವೆ ಮಿಸುಕಾಡಿಸದಿರಿ

ನೊಂದ ಭಾವಗಳು ಬೇಯುತ್ತಿವೆ
ಅಂತ್ಯ ಕಾಣದೆ ಸೊರಗಿವೆ
ಮನದ ಭಿತ್ತಿಯ ಮೇಲೆ
ಚಂದದ ಚಿತ್ತಾರ ಬರೆಯಲು ವಿಫಲವಾಗಿವೆ

ನೀನಾಡುವ ಪ್ರತಿ ಮಾತು
ಚೈತನ್ಯ ತುಂಬುವುದು ನನ್ನೊಳಗೆ
ಅಂತರಂಗದ ವಾಸಿ ನೀನು
ಜಗವ ನೋಡುವೆ ನಿನ್ನ ಕಣ್ಣೊಳಗೆ

ಅನುಬಂಧ ಬೆಸೆದ ಈ ನಮ್ಮ ಮಿಲನಕೆ
ಒಲವೊಂದೆ ನಾ ಕೊಡಬಲ್ಲ ಕಾಣಿಕೆ
ಸಂಗಾತಿ ನಿನ್ನ ಈ ಸಂಪ್ರೀತಿಗಾಗಿ
ಜನ್ಮಪೂರ ಮುಡಿಪಿಡುವೆ ನಿನ್ನ ಸೇವೆಗಾಗಿ

ನಿನ್ನೊಳಗೆ ನಾನು ನನ್ನೊಳಗೇ ನೀನು
ಅರ್ಧನಾರೀಶ್ವರ ತತ್ತ್ವ ಅಲ್ಲವೇನು
ಸೋಲು ಗೆಲುವಿನ ಜೀವನವ
ಸುಖಿಸೋಣ ಬಾ ನನ್ನ ಬಾಳ ಸಂಗಾತಿ

೦೧೧೬ಪಿಎಂ೦೨೦೫೨೦೨೧