ಕವಿತೆ

ನನ್ನದು ಬಡತನ

ನಿನ್ನದು ಹಗೆತನ

ನಿನ್ನಲಿದೆ ಹುಂಬತನ

ನನ್ನದು ಅದಕ್ಕೂ ಮೀರಿದ ಗೆಳೆತನ

ಹಣವೊಂದೇ ಮಾನದಂಡವೇ

ಗುಣವೆಂದೂ ಗೌಣವಲ್ಲವೆ

ಕಾಂಚಾಣದ ಮಾತಿಗೆ ಓಗೊಟ್ಟು

ಸಂಬಂಧಕೆ ನೀಡಿದೆ ಕೊಡಲಿಪೆಟ್ಟು

ಕಿವಿ ಚುಚ್ಚುವ ಮಾತಿಗೆ ಬೆಲೆ

ಸದ್ಗುಣಕಿಲ್ಲ ಇಲ್ಲಿ ನೆಲೆ

ದೂರುವವರಿಗೆ ದಾರಿ ಬಿಟ್ಟು

ದೂರವಿರು ನೀ ದಯವಿಟ್ಟು

ದಿಕ್ಕು ಬದಲಿಸುವವರೆದುರು

ಸೊಕ್ಕಿನಿಂದಲೇ ನಡೆಯಬೇಕು

ರೊಕ್ಕದ ಅಮಲಿರುವವರ 

ಪಕ್ಕಕ್ಕೂ ನೀ ಸುಳಿಯದಿರು

ಬಿಟ್ಟು ಹೋಗುವವರ ಚಿಂತೆ ಬಿಟ್ಟು

ನಿನ್ನ ನಂಬಿ ಬಂದವರ ಪ್ರೀತಿಸು

ಸುಖದಲ್ಲಿ ಮೆರೆಯುವವರ ಬಿಟ್ಟು

ಕಷ್ಟಕ್ಕಾದವರ ನೀ ಆಶ್ರಯಿಸು

೦೩೦೭ಎಎಂ೩೦೧೨೨೦೨೨

*ಅಮುಭಾವಜೀವಿ ಮುಸ್ಟೂರು*