ಕವನ

ನೀ ಕಲಿಸಿ ಬಿಟ್ಟು ಹೋದ

ಪಾಠದ ಪುಟಗಳು ಈಗ

ಪರೀಕ್ಷೆಯ ತಂದೊಡ್ಡಿವೆ

ನಿರೀಕ್ಷೆಯ ಹುಸಿ ಮಾಡಿವೆ

ನಿನ್ನ ಕುರಿತಾದ ಅದೆಷ್ಟೋ ಸತ್ಯಗಳು 

ನನ್ನಲ್ಲೇ ಹುದುಗಿ ಹೋಗಿವೆ

ನೀ ಮಾಡಿದ ಅವಮಾನಗಳು 

ನನ್ನಲ್ಲಿನ ಸ್ವಾಭಿಮಾನವ ಬಡಿದೆಬ್ಬಿಸಿವೆ

ಭಾವನೆಗಳ ಜೊತೆ ಆಟವಾಡಿ 

ಬದುಕನ್ನೇ ಸಂಕಷ್ಟಕ್ಕೀಡು ಮಾಡಿದೆ

ನಂಬಿಕೆಯ ಕತ್ತು ಹಿಚುಕಿ

ಅಪನಂಬಿಕೆಯಲ್ಲಿ ನೀ ಗೆದ್ದು ಬೀಗಿದೆ

ನಿಮ್ಮೆಲ್ಲ ಕೃತ್ಯಗಳಿಗೂ ಉತ್ತರ

ಕೊಡುವ ಸಮಯ ಬಂದೇ ಬರುವುದು

ಮೇಲಿನವನಿರುವನೆಂಬ ವಿಶ್ವಾಸ

ನನ್ನಲಿನ್ನು ಭರವಸೆಯ ಉಳಿಸಿಹುದು

ನೀ ಹೊರಿಸಿದ ಎಲ್ಲಾ ಆರೋಪಗಳ ಅಂಕ

ಪರದೆ ಸರಿದಾಗ ಸತ್ಯ ತಿಳಿಯುವುದು

ನೀ ಕೊಟ್ಟ ನೋವುಗಳ ಸಹಿಸಿಕೊಂಡಿರುವೆ

ನನ್ನ ಸ್ಥಾನಕ್ಕೆ ನೀ ಬಂದಾಗ ಅರಿವಾಗುವುದು

೧೦೩೭ಪಿಎಕ೨೦೧೧೨೦೨೨

*ಅಮುಭಾವಜೀವಿ ಮುಸ್ಟೂರು*