ಕವನ

[11/9, 7:11 PM] ಸುಧಾ ಅಪ್ಪಾಜಿ: ತಿರಸ್ಕಾರಕ್ಕೆ ಕುಗ್ಗದಿರು

ಪುರಸ್ಕಾರಕ್ಕದು ಮೊದಲ ಮೆಟ್ಟಿಲು

ಅವಹೇಳನಕ್ಕೆ ಅಂಜದಿರು

ಅಭಿಮಾನಕ್ಕೆ ಅದೇ ತೊಟ್ಟಿಲು 

ಅವಮಾನಕ್ಕೆ  ಅಧೀರನಾಗದಿರು

ಅವಕಾಶಕೆ ಅದುವೇ ಬೆಂಬಲ 

ಸೋಲಿಗೆ ಎಂದು ಕಂಗಾಲಾಗದಿರು

ಗೆಲುವಿಗೆ ಇಂದೇ ಕಂಕಣ ತೊಡು 

ಇಲ್ಲಿ ಯಾರಿಗೂ ಯಾರಿಲ್ಲ 

ನಿನ್ನ ಬದುಕು ನಿನ್ನದೇ ಮುನ್ನಡೆ

ಅನಿವಾರ್ಯತೆ  ಇದ್ದರೆ ನೆನೆವರು

ಅವಶ್ಯಕತೆ ಮುಗಿಯಲು ಮರೆವರು

ಅದಕೆಲ್ಲ  ಎದೆಗುಂದದೆ ನೀ ಸಾಗು 

ನಿನ್ನ ನಂಬಿದವರಿಗೆ ನೀ ನೆರಳಾಗು

0439ಎಎಂ03112022

*ಅಮುಭಾವಜೀವಿ ಮುಸ್ಟೂರು*

ಬಾಳ ಪಥದಲಿ 

ಪ್ರೀತಿ ರಥದಲಿ

ಸಾಗೋಣ ಜೊತೆಯಲಿ

ನಿನ್ನ ಕಣ್ಣ ಬೆಳಕಲಿ ನಾನು 

ನನ್ನ ಕಣ್ಣ ಬೆಳಕಲಿ ನೀನು 

ನೋಟವೊಂದಾಗಿ ಬಾಳೋಣ

ನಿನ್ನ ನಗುವಲಿ ನನ್ನ ಖುಷಿಯು

ನನ್ನ ತೋಳಲಿ ನಿನ್ನ ಹಿತವು

ಅನುಕ್ಷಣವೂ ಅನುರಣಿಸಲಿ

ಇಬ್ಬರ ಹೆಜ್ಜೆಯ ಹಾದಿ ಒಂದಾಗಿ 

ಇಬ್ಬರೆದೆಯ ಭಾವನೆಯು ಮಾತಾಗಿ

ನೋವು ನಲಿವ ಸಮನಾಗಿ ಸ್ವೀಕರಿಸೋಣ

0354ಪಿಎಂ04112022

*ಅಮುಭಾವಜೀವಿ ಮುಸ್ಟೂರು*

[11/9, 7:11 PM] ಸುಧಾ ಅಪ್ಪಾಜಿ: #ಅಮುಭಾವರಸಾಯನ 39

*ಹಾಯ್ಕು*

ಹನಿಯ ಸಾಲು

ಎಲೆಯ ಮೇಲಾಸಿದೆ 

ನಿನ್ನ ಬೆವರು 

0556ಪಿಎಂ11102022

*ಅಮಭಾವಜೀವಿ ಮುಸ್ಟೂರು*

 

Read 

ಈ ನಗುವೆ ಸ್ಪೂರ್ತಿ 

ನನ್ನೆದೆಯ ಭಾವಕೆ 

ಆ ಮುಂಗುರುಳೆ ಪ್ರೇರಣೆ 

ಹೊಮ್ಮುತಿಹುದು ಭಾವನೆ 

ಕಣ್ಣ ಹೊಳಪ ಮೋಡಿಗೆ

ಸೋತು ಹೋದೆ ನಿನಗೆ 

ತುಟಿಯಂಚಿನ ನವರಂಗು

ಹಿಡಿಸಿತು ನನ್ನಲಿ ಹೊಸಗುಂಗು

ಪ್ರೀತಿಯ ವಿಶೇಷವು ನೀನು 

ನಿನ್ನ ಅವಶೇಷವು ನಾನು 

0849ಪಿಎಂ12102022

*ಅಮಭಾವಜೀವಿ ಮುಸ್ಟೂರು* 

#ಅಮುಭಾವರಸಾಯನ 42

*ಟಂಕಾ*

ಮನದ ಹಾಡು 

ತಂದ ಖುಷಿಯು ನಿತ್ಯ 

ಶುಭಾರಂಭವೇ

ಪ್ರತಿ ಕ್ಷಣ ನಿನ್ನಲಿ

ಧನಾತ್ಮಕವಾಗಲಿ

0127ಪಿಎಂ18102022

*ಅಮು ಭಾವಜೀವಿ ಮುಸ್ಟೂರು

[11/9, 7:11 PM] ಸುಧಾ ಅಪ್ಪಾಜಿ: ಪ್ರೀತಿಯ ಮುಂದೆ 

ಎಲ್ಲವೂ ನಶ್ವರ

ಪ್ರೀತಿಯಲಿ ಮಿಂದರೆ

ಎಲ್ಲವೂ ಸುಂದರ 

ಪ್ರೀತಿಗಾಗಿ ಕಾಯಲು

ಎಲ್ಲೆಲ್ಲೂ ಸಡಗರ 

ಪ್ರೀತಿಯು ಭರವಸೆಯ ತುಂಬಲು

ಅದೊಂದು ಸಂಸ್ಕಾರ 

ಪ್ರೀತಿಯಿಂದ ನೋಡಲು 

ಸಿಕ್ಕುವುದು ಎಲ್ಲಕೂ ಪರಿಹಾರ 

ಪ್ರೀತಿಯಲಿ ನಂಬಿಕೆಯಿದ್ದರೆ

ಬಾಳಿಗೆ ಬಾರದು ಸಂಚಕಾರ

ಪ್ರೀತಿಯಲಿ ಇರಬಾರದು 

ಎಂದಿಗೂ ಅಧಿಕಾರ 

ಪ್ರೀತಿಯ ಪಯಣದಲಿ 

ಪ್ರತಿ ಹೆಜ್ಜೆಯ ಲೆಕ್ಕಾಚಾರ 

ಪ್ರೀತಿಸಿದ ಹೃದಯಕೆ 

ಇನ್ನಿರದು ಭಾರ

1017ಪಿಎಂ24092022

*ಅಮುಭಾವಜೀವಿ ಮುಸ್ಟೂರು*

ಬಾಳ ಹಾದಿಯಲಿ

ಪ್ರೀತಿಯ ಜೊತೆಯಲಿ

ಇನಿಯ ನೀನಿರು ಪ್ರತಿ ಹೆಜ್ಜೆಯಲಿ

ಒಲವ ನದಿ ಹರಿಯುತಿರಲಿ

ಎಂದಿಗೂ ಅದು ಬತ್ತದಿರಲಿ

ಪ್ರವಹಿಸಿ ಕನಸು ಕೊಚ್ಚಿಹೋಗದಿರಲಿ

0402ಎಎಂ27092022

*ಅಮುಭಾವಜೀವಿ ಮುಸ್ಟೂರು* 

ಬೆರೆತಷ್ಟು ಹತ್ತಿರವಾಗುತ್ತಾರೆ

ಸಣ್ಣ ಕಾರಣಕ್ಕೆ ದೂರವಾಗುತ್ತಾರೆ

ಆತುರದ ನಿರ್ಧಾರ ಮಾಡಿ

ಪ್ರತ್ಯಕ್ಷ ಕಂಡರೂ ಪ್ರಮಾಣಿಸದೇ ಹೋಗುತ್ತಾರೆ

ನಂಬಿಕೆಯ ಗಾಜಿನ ಮನೆಯಲಿದ್ದೂ

ಅಪನಂಬಿಕೆಯ ಕಲ್ಲೆಸೆಯುತ್ತಾರೆ

ಪ್ರೀತಿಯ ಪ್ರಸ್ತಾಪ ಮಾಡಿ

ಪ್ರತಿಯಾಗಿ ಆರೋಪ ಮಾಡುತ್ತಾರೆ 

ಸ್ನೇಹದ ಸವಿಯೊಳಗೆ ಬೆರೆತು 

ದ್ವೇಷದ ವಿಷವನಿಕ್ಕುತಾರೆ

ಪ್ರಾಮಾಣಿಕರ ದೂರುತಾರೆ

ಅಪ್ರಾಮಾಣಿಕರ ಹೊತ್ತು ಮೆರೆಸುತಾರೆ

ಮನುಷ್ಯನ ಇಂತಹ ವರ್ತನೆ 

ತರುವುದು ಮನಕೆ ಯಾತನೆ

0106ಪಿಎಂ27092022

*ಅಮುಭಾವಜೀವಿ ಮುಸ್ಟೂರು*

ಏಕೆ ನೋಯುವೆ ಓ ಜೀವನವೇ

ಹೆಣ್ಣಾಗಿ ಹುಟ್ಟಿದ ಮೇಲೆ 

ಸಹಿಸಬೇಕು ಎಲ್ಲ ಕಷ್ಟ 

ಕೇಳರು ಯಾರೂ ನಿನ್ನ ಇಷ್ಟ

ಪುರುಷನ ಬೆನ್ನ ಹಿಂದೆ ನಿನ್ನ ಶ್ರಮವಿದ್ದರೂ

ನಿನ್ನ ಭಾವನೆಗಳ ಹತ್ತಿಕ್ಕುವರೆಲ್ಲರೂ

ಬವಣೆ ನೀಗದ ಬದುಕು ನಿನ್ನದು

ಮನ್ನಣೆ ಮಾತ್ರ ನಿನಗೆ ನಿಲುಕದು

ತೊರೆದು ಬಿಡು ನೀನು ಈ ಮೌನ

ಕೊಡವಿ ಮೇಲೇಳು ನಿನ್ನ ಸ್ವಾಭಿಮಾನ

ಇನ್ನು ನಿನ್ನದೇ ಈ ಶತಮಾನ 

ಸಾಧನೆ ಮಾಡಿ ಗಳಿಸು ಬಹುಮಾನ 

0714ಪಿಎಂ28092022

*ಅಮುಭಾವಜೀವಿ ಮುಸ್ಟೂರು *

ಕಾರಣ ತಿಳಿಯಲು ತಾಳ್ಮೆ ಬೇಕು 

ಮನದ  ಆತ್ಮಾವಲೋಕನವಾಗಬೇಕು

ಪ್ರತ್ಯಕ್ಷ ಕಂಡರೂ ಪ್ರಮಾಣಿಸಿ ನೋಡಬೇಕು 

ಸ್ವಾರ್ಥಕಾಗಿ ಅಪಾರ್ಥ ಮಾಡಬಾರದು 

ಪರಿಸ್ಥಿತಿಯ ಕೈಗೊಂಬೆಯಾದವನ ಮೇಲೆ 

ಪರಿಚಯವಿದ್ದವನ ಅವಮಾನಿಸಬಾರದು

ಬೀದಿ ರಂಪಾಟ ಮಾಡುವ ಬದಲು 

ಕೂತು ಮಾತಾಡುವ ವ್ಯವಧಾನವಿರಲಿ

1033ಪಿಎಂ28092022

*ಅಮು ಭಾವಜೀವಿ ಮುಸ್ಟೂರು*