ಕವನ

ಬಿಡು ನಿರಾಸೆ

ಇರಲಿ ಚೂರು ಭರವಸೆ

ಬದುಕಲು ಬಂದವರು ನಾವು

ಬಿಸಿಲಾದರೇನು 

ಚಳಿ ಮಳೆಯಾದರೇನು

ಜೀವನೋತ್ಸಾಹ ಕಳೆದುಕೊಳುವುದೇ ಹೂವು

ಎಷ್ಟೇ ತುಳಿದರೂ

ಅಳಿಯದುಳಿದು ಮತ್ತೆ

ಚಿಗುರುವ ಗರಿಕೆಯ ಛಲವಿರಲಿ

ಕಾಡ್ಗಿಚ್ಚು ಸುಟ್ಟರೂ

ರೆಂಬೆ ಕೊಂಬೆ ಬೂದಿಯಾದರೂ

ಹಸಿ ಬೇರು ಹೊಸ ಚಿಗುರು ತರುವ ನಂಬಿಕೆಯಿರಲಿ

ಜ್ವಾಲಾಮುಖಿ ಒಡಲೊಳಗಿದ್ದರೂ

ನೋಯದ ಭೂತಾಯೊಡಲಲಿ

ಚೆಲುವು ನಳನಳಿಸುವುದು ಸತ್ಯ

ಸೋಲುಗಳ ಸರಮಾಲೆ ಎದುರಾಗಲಿ

ನೋವಿನ ಸುನಾಮಿಯೆ ಬರಲಿ

ಅಂಜದ ಮನಸ್ಥಿತಯಿರಲಿ ನಿತ್ಯ

ಇರುವುದೊಂದೇ ಜನುಮವಿದು

ಎಂದೂ ಸೋಲೊಪ್ಪಬಾರದು

ಬರಲಿ ಏರಿಳಿತ ನೂರು

ನಾಳೆಯೆಂಬ ಭರವಸೆಯಿರಲಿ

ಗೆದ್ದೇ ಗೆಲ್ಲುವ ವಿಶ್ವಾಸವಿರಲಿ

ಯಾರಿಲ್ಲ ಇಲ್ಲಿ ಸೋಲದೆ ಗೆದ್ದವರು

೧೦೫೨ಪಿಎಂ೧೧೦೨೨೦೨೩

*ಅಮುಭಾವಜೀವಿ ಮುಸ್ಟೂರು*