ಅರಳು ಮೆಲ್ಲಗೆ 

ಸಂಜೆ ಮಲ್ಲಿಗೆ
ನೀ ಅರಳು ಮೆಲ್ಲಗೆ
ಇರುಳಿಳಿಯುವ ಮೊದಲೇ
ಚೆಲುವ  ಹಂಚು ಲೋಕಕೆ

ಗೋಧೂಳಿಯ ಶುಭಕಾಲವು
ಮೆಲ್ಲ ಜಾರುತಿದೆ ಇರುಳ ತೆಕ್ಕೆಗೆ
ಬಾನಂಚಿನ ರಂಗಿನೋಕುಳಿಯ
ಸ್ವಲ್ಪ ಬಳಿದುಕೋ ಮೈಯಿಗೆ

ಶಶಿಯು ಕಂಡು ನಿನ್ನಂದ
ಬೆಳದಿಂಗಳ ಹೊತ್ತು ಬಂದ
ತಾರೆಗಳ ಜೊತೆಗೆ ನೀನಾಡು
ತಂಗಾಳಿಗೆ ನೀ ಓಲಾಡು

ಮಂಜಿನ ಹನಿಗಳಿಂದ ನಿನ್ನ
ಚಂದದ ಮೊಗವ ತೊಳೆದುಕೋ
ಹಕ್ಕಿ ಹಾಡುವ ಸುಪ್ರಭಾತಕೆ
ಶಿವನ ಮೇಲೆ ನೀ ಕೂತುಕೋ

ಎಷ್ಟು ಚಂದ ಕಾಣುವೆ
ನನ್ನ ನಲ್ಮೆಯ ಮಲ್ಲಿಗೆ
ನೀನೇ ಸ್ಪೂರ್ತಿ ತಾನೇ
ನನ್ನ  ಒಲುಮೆಯ ಬಾಳಿಗೆ

0501ಪಿಎಂ18072017

ಅಮುಭಾವಜೀವಿ