*ದಕ್ಕಿಬಿಡು*

ಯಾರ ಕರವ ಹಿಡಿದು ನೀನು
ಹೋದೆ  ಓ ಭಾವಗೀತೆ
ನೀನು ಇರದೆ ನಾನು ಬರಿದೆ
ಶೂನ್ಯದಲ್ಲಿ ಅವಿತು ಕುಳಿತೆ

ಭಾವದಲ್ಲಿ ನಾನು ಮಿಂದೆ
ಪ್ರೀತಿಯಿಂದ ನಿನ್ನ ಕರೆದೆ
ನನ್ನ ವ್ಯಥೆಗೆ ಜೀವ ತಂದೆ
ಬದುಕ ಬೆಂಬಲದ ಭಾವಗೀತೆಯಾದೆ

ಎದೆಗೆ ತಿವಿದ ಕೋವಿಯಲ್ಲಿ
ಜನಿಗೋ ರಕ್ತದ ಒರತೆಯಲ್ಲಿ.
ನೋವಿನ ಅಲೆಯಂತೆ ತೇಲಿ ತೇಲಿ
ಕವಿತೆಯಾಗಿ ಮಿಡಿದು ಬಂದೆ ನೀನು

ಹಸಿರ ಪೈರ ತಲೆಯ ಮೇಲೆ
ತಂಗಾಳಿ ತೊನೆವ ಹಾಗೆ
ಮಂದಹಾಸ ತಂದೆ ನೀನು
ಓ ಬಾಳ ಭಾವಗೀತೆಯೇ

ನನ್ನ ತೊರೆದು ಹೋಗಬೇಡ
ನೀನಿರದೆ ಮಂಕಾಗಿದೆ ಮೊಗವು ಕೂಡ
ಹಕ್ಕಿ ಉಲಿವ ಗಾನವಾಗಿ
ದಕ್ಕಿಬಿಡು ನನ್ನ ನಾಳೆಗಾಗಿ

0219ಪಿಎಂ27012018

ಅಮುಭಾವಜೀವಿ