*ಸಾಕು ಈ ದೂರ*

ದೂರ ನೀನು ಉಳಿದರೆ
ನಿನ್ನ ನೆನಪು ಕಾಡುತಿರೆ
ಭಾವ ಉಕ್ಕಿ ಬರುವಾಗ
ಅರಿಯದೇ ನಾ ಕವಿಯಾದೆ

ಬರೆದು ಬರೆದು ಖಾಲಿಯಾದೆ
ಮತ್ತೆ ಮತ್ತೆ ನೆನಪು ಚಿಮ್ಮಿ ಬಂದಿದೆ
ಅಕ್ಷಯ ನೆನಪುಗಳ ಕೊಟ್ಟು
ನನ್ನ ನೀ ಕವಿಯಾಗಿ ಮಾಡಿದೆ

ನೀನಿರದ ಪ್ರತಿ ಕ್ಷಣ
ಎದೆಯೊಳಗೇನೋ ತಲ್ಲಣ
ಹೇಳಿ ಹೋಗದ ಕಾರಣ
ಕಾಣೆ ನಾನು ಉಪಶಮನ

ಎಲ್ಲೆಲ್ಲಿ ನೋಡಿದರೂ ನಿನ್ನ ಮುಖ
ಅದರಿಂದ ನನಗಿಲ್ಲ ಯಾವ ಸುಖ
ಸಖಿ ನೀನು ಸಂಹಾರ ಮಾಡು ಬಂದು
ವಿರಹದೆದೆಯ ಈ ಬಾಧೆಯ

ಪ್ರೇಮಿಯೊಳಗೆ ಮಿಳಿತವಾಗಿ
ಸಂಭ್ರಮವ ತಾ ಪ್ರಕೃತಿಯ ಹಾಗೆ
ಸುಮವಾಗಿ ಅರಳಲಿ ಪ್ರೀತಿ
ಸಹಯಾನ ಖುಷಿತರಲಿ ದುಂಬಿಯ ರೀತಿ

ಸಾಕು ಈ ದೂರ ಇನಿಯ
ಕಳೆದು ಹೋಗುತಿದೆ ಹರೆಯ
ಮತ್ತೆ ಬರದಿರಲಿ ಇಂಥ ಸಮಯ
ಬದುಕಾಗಲಿ ನಿತ್ಯ ಸರಸಮಯ

0832ಎಎಂ22102018

*ಅಮು ಭಾವಜೀವಿ*
ಚಿತ್ರದುರ್ಗ