*ನೆನಪಿನ ಹನಿಗಳು*
ಬರುವ ನಾಳೆಗಳಿಗೆ
ತೆರೆದ ದಾರಿಗಳು
ನಿನ್ನ ನೆನಪಿನ ಹನಿಗಳು
ಇರುವ ಮೂರು ದಿನಗಳಿಗೆ
ನೆಮ್ಮದಿಯ ಪ್ರತಿ ಘಳಿಗೆ
ನಿನ್ನ ನೆನಪೇ ಸ್ಪೂರ್ತಿಯು
ಕಣ್ಣ ಕಂಬನಿ ನಿಂತು
ಆನಂದಭಾಷ್ಪ ತಂತು
ನಿನ್ನ ನೆನಪೇ ನನ್ನ ಆಸ್ತಿ
ನಾಸ್ತಿಕ ನಾನು ಜಗದೊಳಗೆ
ಆಸ್ತಿಕನಾದೆ ನಿನ್ನೊಲವಿಗೆ
ನಿನ್ನ ನೆನಪೇ ನನಗೀಗ ಪ್ರಶಸ್ತಿ
ಮನದ ಹಕ್ಕಿಯು ಈಗ
ಭಾವಗಳ ರೆಕ್ಕೆ ಬಿಚ್ಚಿ ಹಾರಲು
ನಿನ್ನ ನೆನಪೇ ಗಮ್ಯವು
ಹೃದಯದಿ ಹಾಡು ಹುಟ್ಟಿ
ನಿನ್ನ ಹೃದಯವ ಮುಟ್ಟಿ
ನೆನಪಾದ ರೀತಿಯೇ ಅನನ್ಯವು
ಎದೆಯ ಮಿಡಿತ ಬದುಕಾಗುವ
ಮೊದಲು ಒಲಿದ ನಿನ್ನ ಪ್ರೀತಿಯ
ನೆನಪೇ ಜೀವಚೇತನ
ಕಣ್ಣ ಗೂಡಿನಲಿ ನಿನ್ನ
ಕನಸ ದೀಪವು ಬೆಳಗುವ
ನೆನಪ ಜ್ಯೋತಿ ನನ್ನೀ ಕವನ
0901ಪಿಎಂ17102018
*ಅಮು ಭಾವಜೀವಿ*
ಮುಸ್ಟೂರು
No comments:
Post a Comment