ನನ್ನ ನೀತಿ

ನನ್ನ ನೀತಿ

ಎಲ್ಲಿ ಮೀರಲು ಎಣ್ಣೆ ಬತ್ತಿಗಳಿಲ್ಲ

ಇಲ್ಲೇ ಇರಲು ಅವಧಿ ಮುಗಿಯುತಿಹುದಲ್ಲ

ಹಿರಿಯರ ನೆರಳಡಿಯಲ್ಲಿ

ಕಿರಿಯ ನಾ ಗುಡಿಕಟ್ಟುವೆ

ನುಡಿದಂತೆ ನಡೆಯುವ ಮಾನವ ಕುಲಜರೊಡಗೂಡಿ ತರುವೆ ಗೌರವ

ಸ್ನೇಹ ಪ್ರೀತಿ ನನ್ನ ಉಸಿರು

ಸ್ವಾಭಿಮಾನದ ಅಭಿಮಾನವೇ ನನ್ನ ತವರು

ಸಕಲ ಜೀವಿಗಳ ಜೊತೆ ನನ್ನ ಬಾಂಧವ್ಯ

ಸದ್ಧರ್ಮ ಮೀರದ ನನ್ನ ಕರ್ತವ್ಯ

ನಿಸರ್ಗದೊಡನೆ ಹೊಂದಿಕೊಂಡು

ಬಾಳುವೆ ನೆಮ್ಮದಿಯ ಹುಡುಕಿಕೊಂಡು

ಆಡುವ ಮಾತಲ್ಲಿದೆ ವಿನಯ

ನನ್ನ ಮೇಲೇಕೆ ಸಂಶಯ

ನೊಂದವರ ತವರು ಈ ಹೃದಯ

ಎಲ್ಲರೊಳಗೊಂದಾಗುವುದೆನ್ನ ಆಶಯ

ಹರಸೋ ಕೈಗಳ ನೆರಳು

ಹಾಡಿ ಹೊಗಳುವುದನ್ನ ಕೊರಳು

ನಿಮ್ಮಿಂದ ಪಡೆದುಕೊಂಡ ಪ್ರೀತಿಯ

ಮತ್ತೆ ಹಿಂತಿರುಗಿಸುವುದೆನ್ನ ನೀತಿಯು

೦೫೦೫೨೦೦೩

ಅಮುಭಾವಜೀವಿ