ಕವನ

ಛಲ ಬೇಕು ಮಾನವನಿಗೆ

ಬದುಕಲು ಅದು ಬಲವಿದ್ದಂತೆ

ಛಲಬೇಕು ನುಡಿದಂತೆ ನಡೆಯಲು

ಛಲಬೇಕು ಪ್ರತಿ ಜೀವಿಗೂ ಪ್ರೀತಿ ಹಂಚಲು

ಛಲಬೇಕು ನಾಡ ಮಾನ ಉಳಿಸಲು

ಛಲಬೇಕು ಜಾತಿ ಸಂಕೋಲೆ ಕಳಚಲು

ಛಲಬೇಕು ಸ್ತ್ರೀ ಕುಲ ರಕ್ಷಿಸಲು 

ಛಲಬೇಕು ನ್ಯಾಯವಾಗಿ ಬಾಳಲು

ಛಲಬೇಕು ಪರಧನ ಬೇಡವೆನ್ನಲು

ಛಲಬೇಕು ಕಾಯಕ ಪೂಜೆಗೈಯಲು

ಛಲಬೇಕು ಹಿರಿಯರೊಳು ಕಿರಿಯನೆನ್ನಲು

ಛಲಬೇಕು ಧರ್ಮದಲಿ ದಯೆ ಕಾಣಲು

ಛಲಬೇಕು ನುಡಿವ ಮಾತಲಿ ಸತ್ಯ ಹೇಳಲು

ಛಲಬೇಕು ಹೊಂದಿಕೊಂಡು ಬಾಳಲು

ಛಲಬೇಕು ಗುರಿ ಸಾಧಿಸಲು

ಛಲಬೇಕು ಮದಗಳ ಬಿಡಲು

ಛಲಬೇಕು ಹೊಗಳಿಕೆಗೆ ಮರುಳಾಗದಿರಲು

ಛಲಬೇಕು ಅನ್ಯಾಯವ ಹೊಡೆದೋಡಿಸಲು

ಛಲಬೇಕು ಬಾಂಧವ್ಯಗಳ ಬೆಸೆಯಲು

ಛಲಬೇಕು ಅಹಿಂಸೆಯ ದಾಸನಾಗಲು

ಛಲಬೇಕು ದುಡಿಮೆಯ ಫಲವುಣ್ಣಲು

ಛಲಬೇಕು ಮೊದಲು ಮಾನವನಾಗಲು

೦೪೦೫೨೦೦೩

*ಅಮುಭಾವಜೀವಿ ಸುಧಾ  ಮುಸ್ಟೂರು*