ಕವನ

ಪ್ರಾಯ ಬಂದಾಗ ನಿನ್ನ ನೆನಪಾದಾಗ

ಯಾರು ನೀನು ಹೆಸರು ಏನು

ನನ್ನ ಸೆಳೆಯಲು ಕಾರಣವೇನು

ಇದೇನು ಪ್ರೀತಿಯ ಆಕರ್ಷಣೆಯೋ

ಯೌವ್ವನ ಕಾಲದ ಅನ್ವೇಷಣೆಯೋ

ಅರಿಯದಾಗಿದೆ ನನ್ನೀ ಮನ

ನಿನ್ನದೇ ಗುಂಗಲ್ಲಿದೆ ಗಮನ

ಪ್ರಾಯ ಬಂದಾಗ ನಿನ್ನ ನೆನಪಾದಾಗ

ಹೃದಯದೊಳಗೆ ಎಂತದೋ ಉದ್ವೇಗ

ಹಸಿವು ನಿದಿರೆ ಎಲ್ಲ ಮರೆಸಿ ಕಾಡುವೆ

ಒಮ್ಮೆ ಹೇಳಿಬಿಡು ನೀನೆಲ್ಲಿ ಅಡಗಿರುವೆ

ಪ್ರೀತಿಯ ರೂಪವು ನಿನ್ನದೇನು

ನಿನ್ನನೆ ಹುಡುಕುತ್ತಾ ಬಂದಿಹೆನು

ಮತ್ತೆ ಮತ್ತೆ ನಿನ್ನ ನೆನಪು ಕಾಡಲು

ಮರೆತೋಯ್ತು ನನಗೆ ಹಗಲು ಇರುಳು

ಯಾವ ರೂಪದ ಮಾಯಾಂಗನೆ ನೀನು

ಹೀಗೆ ನನ್ನ ಕಾಡುವ ಕಾರಣವೇನು

ಹರೆಯವಿದು ಸೋಲುತಿದೆ

ಮರೆಯದಂತೆ ಜ್ಞಾಪಿಸುತ್ತಿದೆ

ಒಮ್ಮೆ ಮುಖ ತೋರು ಚಂದ್ರ ಚಕೋರಿ

ನಿನಗಾಗಿ ಮಾಡಿಕೊಳ್ಳುವೆ ಜೀವನ ತಯಾರಿ

ಎದುರು ಬಂದು ಪ್ರಾಯದ ಗಾಯಕ್ಕೆ ಮುಲಾಮು ಹಚ್ಚು

ಇನ್ನು ಸಹಿಸಲಾರೆ ನಾ ನಿನ್ನ ಪ್ರೇಮದ ಹುಚ್ಚು

೦೯೪೪ಎಎಂ೧೩೧೦೨೦೨೩

*ಅಮುಭಾವಜೀವಿ ಮುಸ್ಟೂರು*