ಕವಿತೆ

ಒಂದು ದಿನದ ಆಚರಣೆಯಲ್ಲ

ಈ ನಮ್ಮ ಪ್ರೇಮವು

ಪ್ರತಿಕ್ಷಣದ ಅನುಸರಣೆಯು

ಅಂತರಂಗದ ಈ ಅನುಭಾವವು

ತುಸು ಜಗಳ ಇರುವಲ್ಲಿ

ಒಲವಿನ ಅಡಿಪಾಯ ಭದ್ರವು

ಹಸುಗೂಸಿನಂತ ಮನಸ್ಸು ನಿನ್ನದು

ನಸು ನಗುತ ಬಾಳೋಣ ಅದೇ ಸೂತ್ರವು

ಹೃದಯ ಹೃದಯಗಳು ಬೆಸೆದ ಗೂಡಿದು

ಭಾವದ ಅನುಬಂಧ ಹೊಸೆದ ಬಂಧವಿದು

ಉಸಿರಿರುವ ತನಕ  ಉಸಿರಾಗಿರುವ

ಹಸಿರಿನ ಸಮೃದ್ಧ ನಮ್ಮನ್ನು ಈ ಕೂಟವು

ನನ್ನ ಹಾದಿಗೆ ನೆರಳಾದೆ ನೀನು

ನಿನ್ನ ಭಾವಕೆ ಕೊರಳಾಗೂವೆ ನಾನು

ನೀನಿರುವ ತಾಣವೇ ಪ್ರೇಮಕಾಶ್ಮೀರ

ನಾನಾಗಿ ಬಾಳುವೆ ನಿನ್ನ ಹಣೆಯ ಸಿಂಧೂರ

ಅಮರತ್ವದ ಪ್ರೇಮದ ಕೂಸು ನಾವು

ಬಾಳ ಸೊಗಸ ಸವಿಯೋಣ ನಾವು

ಸುಖ-ದುಃಖವ ಸಮ ಭಾವದಿ ಸಹಿಸಿ

ಸದಾ ಖುಷಿಯಾಗಿರುವ ಪ್ರೀತಿಸಿ

074ಎಎಂ14022022

*ಅಮುಭಾವಜೀವಿ ಮುಸ್ಟೂರು*