ಕವಿತೆ

ಕಳೆದುಹೋದಳು ನಲ್ಲೆ

ಬಾಡಿದಂತೆ ಮೊಗ್ಗು ಮಲ್ಲೆ

ಏಕೆಂದು ಅರಿಯುವ ಮೊದಲೇ

ಮರೆಯಾದಳು ತಂದು ವಿರಹ ಜ್ವಾಲೆ

ಮೊದಲೆಲ್ಲ ಹೀಗಿರಲಿಲ್ಲ ಅವಳು

ಅದು ಏಕೆ ಹೀಗಾಗಿ ಹೋದಳು

ಪ್ರೀತಿಯ ಅಗಾಧ ದೇವತೆ

ಎಲ್ಲಿ ಕಳೆದುಹೋದಳು ಅದೇ ಚಿಂತೆ

ಒಲವ ಒಡನಾಡಿಯಾಗಿ ಬಂದು

ಒಡಲ ಕುಡಿಗಳ ತಂದು

ಒಂದು ಬೇಡಿಕೆ ಇಡದಂತೆ ಬಾಳಿದವಳು

ಇಂದೇಕೆ ಹೀಗೆ ಕಾಣೆಯಾದಳು

ನಂಬಿಕೆಯ ಮಹಾಮೇರು

ವಿಶ್ವಾಸದ ಅಂತಃಸತ್ವ ಬೇರು

ಪ್ರೀತಿಯ ಸೊಗಸಾದ ಸೂರು

ಸತಿ ಇವಳು ನನ್ನ ಬಾಳುಸಿರು

ಕಳೆದುಹೋಗದಿರು ಬಾಳ ಗೆಳತಿ

ನೀನಿರದೆ ನನಗಿರದು ಸದ್ಗತಿ

ಎಡವಿದವನ ಮೇಲೆ ಎದುರಿಸುವಸ್ತ್ರ ಬೇಡ

ನೀನಿರದ ಬದುಕು ನನಗೂ ಬೇಡ

ನಿನ್ನ ಮುಂದೆ ನನಗಿಲ್ಲ ಯಾವ ಘನತೆ

ನೀನಿರದೆ ಬೆಳಗದು ನನ್ನ ಬಾಳ ಹಣತೆ

ಈ ಪಾಪಿಯ ಮನ್ನಿಸಿ ತೋರು ಮಮತೆ

ನೀನೇ ನನ್ನ ಒಲವ ಬತ್ತದ ಒರತೆ

0758ಎಎಂ16022022

 *ಅಮುಭಾವಜೀವಿ ಮುಸ್ಟೂರು*