ಕವನ

ಬದುಕಿನ ಪುಟ ತೆರೆದು

ಪ್ರೀತಿಯ ಕವಿತೆ ಬರೆದು

ಕರುಣೆಯ ಲಾಲಿ ಹಾಡಿದವಳು ನೀನಮ್ಮ

ಎಲ್ಲ ನೋವನ್ನು ತಾನೇ ನುಂಗಿ

ಬರೀ ನಗುವನ್ನೇ ನೀಡಿ ನಮಗಾಗಿ

ಬದುಕಿದರೆ ತ್ಯಾಗಮಯಿ ನೀನಮ್ಮ

ಕಷ್ಟಗಳ ದಟ್ಟ ಕಾನನದೊಳಗೆ

ಸುಖದ ನೆರಳಾದೆ ನೀ ನಮಗೆ

ತ್ಯಾಗಕ್ಕೆ ಸಾಟಿ ಏನಿಲ್ಲವಮ್ಮ

ಮಮತೆಯ ಮಹಾನ್ ಪರ್ವತ

ಅಮ್ಮ ನೀನಿತ್ತ ಒಲವು ಶಾಶ್ವತ

ನಿನ್ನ ಋಣ ತೀರಿಸಲು ಸಾಧ್ಯವಿಲ್ಲಮ್ಮ

ಅಪ್ಪನ ಜೊತೆ ಹೆಗಲಾಗಿ ದುಡಿದೆ

ಸಂಸಾರದೇಳಿಗೆಗೆ ನೀ ಶ್ರಮಿಸಿದೆ

ಸಂಬಳ ಬೇಡದ ಕಾಯಕ ನಿನ್ನದು

ಹಗಲಿಗೆ ಸೂರ್ಯನಂತೆ

ಇರುಳಿಗೆ ಚಂದ್ರನಂತೆ

ಬಾಳಿಗೆ ಕತ್ತಲಿರದಂತೆ ನೀ ಬೆಳಗಿದೆ

ಇನ್ನು ಸಾಕು ನಿನ್ನ ನೋವಿಗೆ 

ಅಂತ್ಯ ಹಾಡುವೆವು ನಗು ತರಿಸಿ

ಸದಾ ನಗುತಿರಬೇಕು ನೀನಮ್ಮ

ಮರೆತು ಬಿಡು  ಎಲ್ಲಾ ನೋವು 

ನೀನಿತ್ತ ಜೀವದಾನದ  ಋಣ ತೀರಿಸುವೆವು

ನಮ್ಮೆದುರಿಗಿರುವ ದೈವ ನೀನಮ್ಮ

2ಅಮುಭಾವಜೀವಿ ಮುಸ್ಟೂರು