ಕವಿತೆ

ಅಭಿನಂದನೆ ನಿನಗೆ

ಶುಭಕೋರುವೆ ಆ ಸಾಧನೆಗೆ

ನೀ ನಡೆದು ಬಂದ ಹಾದಿ

ಅದು ಕಲ್ಲುಮುಳ್ಳಿನ ಬೇಗುದಿ

ಕಷ್ಟವನ್ನು ಇಷ್ಟಪಟ್ಟು ಎದುರಿಸಿದೆ

ಈಗ ವಿಜಯಮಾಲೆ ನಿನಗೆ ದಕ್ಕಿದೆ

ಅವಮಾನಿಸಿದವರ ಎದುರಲ್ಲೇ

ಅಭಿಮಾನದ ಪದಕ ಧರಿಸಿದೆ

ಸ್ವಾಭಿಮಾನದ ಈ ನಿನ್ನ ಪಯಣ

ಗುರಿ ಸಾಧನೆಗೆ ಅದುವೆ ಮಹಾ ಪ್ರೇರಣ

ತುಳಿದವರ ತಲೆ ಮೇಲೆ ಮೆರೆಯಬೇಕು

ತುಳಿತಕ್ಕೊಳಗಾದವರಿಗೆ ಸ್ಫೂರ್ತಿಯಾಗಬೇಕು

ಸಹನೆಯ ಕಿಚ್ಚು ಸಾಧನೆಯ ಜ್ಯೋತಿ ಯಾಗಬೇಕು

ತುಳಿದವರು ಕೂಡ ಸದಾ ನಿನ್ನ ಮೆಚ್ಚಬೇಕು

ಇನ್ನು ನಿನ್ನ ನೋವಿಗೆಲ್ಲ ಕೊನೆ

ಎಲ್ಲ ಮರೆಸಿಹುದು ಈ ಸಾಧನೆ

ಅಂತ್ಯವಾಯಿತು ಅವನ ಶೋಧನೆ

ನಿನ್ನನಿನ್ನು ತಾಕದು ಅವಹೇಳನೆ

ಕನಸು ಇನ್ನು ಕೈಗೂಡಿದೆ

ಯಶಸ್ಸು ನಿನಗೊಲಿದಿದೆ

ಹೆಮ್ಮರವಾಗಿ ಬೆಳೆಯಬೇಕು ನೀನಿನ್ನು 

ಆಗ ಮರೆಯದಿದ್ದರೆ ಸಾಕು ನನಗಿನ್ನು

0548ಪಿಎಂ19052022

*ಅಮುಭಾವಜೀವಿ ಮುಸ್ಟೂರು*