ಕವಿತೆ

*ವಿಶ್ವಪರಂಪರೆಯ ಸಾಕ್ಷಿಗಳು* ಒಂದೊಂದು ಕಲ್ಲು ಹೇಳುತಿದೆ ಹಾಳಾದ ಹಂಪೆಯ ಕಥೆಯ ಸಂಪದ್ಭರಿತ ನಾಡು ಸಂಪೂರ್ಣ ಭಗ್ನಗೊಂಡ ಆ ವ್ಯಥೆಯ ಒಂದೊಂದು ಅವಶೇಷವೂ ಕಣ್ಣಿಗೆ ಕಟ್ಟುವಂತೆ ನೋವ ಹೇಳುತಿದೆ ಮಾರಕ ದಾಳಿಗೆ ಸಿಕ್ಕು ನಲುಗಿದ ಆ ದಾರುಣವ ಇತಿಹಾಸವು ಮರೆಯುವುದೆ ಶಿಲೆಯು ಕಲೆಯಾಗಿ ಅರಳಿ ಕಲ್ಲಲ್ಲೂ ಸಂಗೀತ ಮೈತಾಳಿ ಕಾವ್ಯ ಕನ್ನಿಕೆ ನಾಟ್ಯವಾಡಿದ ಸಾಮ್ರಾಜ್ಯದ ಅಂತ್ಯವನ್ನು ನೆನಪಿಸಿದೆ ಶಿಲೆಯೊಂದು ಆಕೃತಿಯಾಗಿ ಸಾಂಸ್ಕೃತಿಕ ವೈಭವದಿ ಮೆರೆದು ಧರ್ಮಾಂಧರ ದಬ್ಬಾಳಿಕೆಗೆ ಮೂಕಸಾಕ್ಷಿಯಾಗಿದೆ ಈ ಕೊಂಪೆ ಭಗ್ನಾವಶೇಷಗಳು ಇಂದಿಗೂ ಸೌಂದರ್ಯದ ಪ್ರತಿಮೆಗಳು ನೋವಲ್ಲೂ ನಾಡಸಂಸ್ಕೃತಿಯ ಸಾರುತಿರುವ ವಿಶ್ವಪರಂಪರೆಯ ಸಾಕ್ಷಿಗಳು 0136ಪಿಎಂ21102017 *ಅಮುಭಾವಜೀವಿ*