ನನ್ನವಳು

ನನ್ನ ಕೈ ಹಿಡಿದ ಹೆಣ್ಣು
ನೆಮ್ಮದಿ ಬದುಕಿನ ಕಣ್ಣು
ಸದಾ ಸ್ಪೂರ್ತಿಯ ಚಿಲುಮೆ
ಬೆಲೆ ಕಟ್ಟಲಾಗದು ಅವಳ ಒಲುಮೆ

ಸ್ತ್ರೀ ಕುಲದ ಹೆಮ್ಮೆ ಇವಳು
ನನ್ನ ಬಾಳ ಹಿರಿಮೆ ಇವಳು
ಚಂದನದಂತೆ ತೇದ ಒಡಲು
ಸ್ಪಂದನೆಯ ತಾಯಿ ಮಡಿಲು

ಅಧಮ್ಯ ಚೇತನದ ಕನಸುಗಾತಿ
ದುಡಿದು ದಣಿಯದ ಬಾಳ ಒಡತಿ
ರಕ್ತ ಸಂಬಂಧದ ನಂಟು ಬೆಸೆದ ಗೆಳತಿ
ಇವಳೆನ್ನ ಪ್ರತಿ ಕ್ಷಣದ ಅಗಾಧ ಸ್ಪೂರ್ತಿ

ನಿಸ್ವಾರ್ಥದ ಸೇವೆಗೆ ಇವಳೇ ಸಾಟಿ
ನಿಷ್ಕಲ್ಮಶ ಪ್ರೀತಿ ತೋರಿದ ಬಾಳ ಮೇಟಿ
ನನ್ನ ನಡವಳಿಕೆಯನೇ ತಿದ್ದಿತೀಡಿ
ಜಗದೆದುರು ಪ್ರಜ್ವಲಿಸಿದ ಒಡನಾಡಿ

ನನಗಿವಳು ಬದುಕಿತ್ತ ಉಡುಗೊರೆ
ನೀನಾದೆ ಇವಳಿಂದ ದೊರೆ
ತಾಯ ಕುಲದ ಕಣ್ಮಣಿ
ಈ ನನ್ನ ಸಹಧರ್ಮಿಣಿ

ನನ್ನ ತಪ್ಪು ಮನ್ನಿಸೆಂದು ಬೇಡುವೆ
ಈ ದಿನದ ಶುಭಾಶಯವ ಕೋರುವೆ

0652ಎಎಂ08032018

ಅಮು ಭಾವಜೀವಿ