ಕವನ

ಹೇಗೆ ಸಹಿಸಲಿ ತಾಯಿ ನಿನ್ನ 

ಇಂತಹ ಸ್ಥಿತಿಯಲ್ಲಿ ಕಂಡು 

ಕರುಣೆಯಿರದ ದೈವವ

ಕ್ಷಮಿಸಲಾರೆ ಎಂದೆಂದಿಗೂ 

ಕಲ್ಮಶವಿಲ್ಲದ ಮುಗ್ಧ ಜೀವ 

ಏಕೆ ಸಹಿಸಬೇಕಿಂತ ನೋವ

ಯಾವ ತಪ್ಪಿಗೆ ಇಂತಹ ಶಿಕ್ಷೆ

ಅಸಹಾಯಕನಾದೆಯಾ ಮಾಡಲು ರಕ್ಷೆ

ದಣಿವಿಲ್ಲದೆ ದುಡಿದು ಸಲುಹಿತ್ತು

ಇಳಿ ವಯಸಲೂ ನೋಯಬೇಕೆ

ಇಂತ ಮೋಸಗೈವ ನಿನಗೇಕೆ ಬೇಕು 

ನಿತ್ಯ ಪೂಜೆ ಆರತಿ ಅಭಿಷೇಕ 

ಹೆತ್ತವಳ ಆಪತ್ತಿನಿಂದ ಬಿಡಿಸು

ಮಕ್ಕಳಿರುವೆವು ಸಲಹಲು

ಕಲ್ಲು ನೀನು  ಅರಿಯಲಾರೆ

ತಾಯಿ ಮಮತೆಯ ವಾತ್ಸಲ್ಯ 

ಬವಣೆಯ ನೀಗಿಸು ತಪ್ಪು ನಿಲ್ಲಿಸು

ಅಮ್ಮನೆಂಬ ಜೀವವ ಬದುಕಿಸು

ಜನ್ಮವಿರುವವರೆಗೆ ಋಣಿಯಾಗಿರುವೆ

ನಮ್ಮ ತಾಯಿಯ ನಮಗೊಪ್ಪಿಸು

1120ಪಿಎಂ24072022

 *,ಅಮುಭಾವಜೀವಿ ಮುಸ್ಟೂರು*