ಕವನ

*ಭಾವಗೀತಾಲಯದಿ*

ಕಟ್ಟೋಣ ಬನ್ನಿ ತಳಿರು ತೋರಣ 

ಬೀರೋಣ ಭಾವದ ಹೊಂಗಿರಣ //ಪ//

ಆಷಾಢದ ಈ ತಂಗಾಳಿಯಂತೆ 

ಮುಂಜಾನೆ ಕೂಗೋ ಮುಂಗೋಳಿಯಂತೆ

ಮನದ ಮಂಜಿನ ಹನಿ ಸೇರಿಸಿ 

ಭಾವಗೀತಾಲಯವ ಸಿಂಗರಿಸಿ 

ಹಾಡೋಣ ಬನ್ನಿ ನಲಿಯೋಣ ಬನ್ನಿ  /೧/

ವರ್ಷಕಾಲದ ಹರ್ಷವನೆಲ್ಲ ಸವಿದು 

ಭಾವಗೀತೆಯ ಪದಪದಗಳಲಿ ಬೆಸೆದು

ಹಾಡೋ ಹಕ್ಕಿಯ ಕೊರಳಾಗಿ 

ಬೆಳೆಯೋ ಬಳ್ಳಿಗೆ ಬೆರಳಾಗಿ 

ಬೆಳೆಯೋಣ ಬನ್ನಿ ಬೆಳೆಸೋಣ ಬನ್ನಿ  /೨/

ಋತುಗಳ ಮೆರವಣಿಗೆಯಲ್ಲಿ 

ಸಂಭ್ರಮಿಸುತ್ತಾ ಬರವಣಿಗೆಯಲ್ಲಿ

ಭಾವಲೋಕಕೆ ಬಣ್ಣ ಬಳಿದು 

ಭಾವಗೀತಾಲಯದಿ ಉಳಿದು 

ಚೆಲುವ ಬಿತ್ತೋಣ ಬನ್ನಿ  ಒಲವ ಪಡೆಯೋಣ ಬನ್ನಿ  /೩/

೦೩೨೫ಎಎಂ೦೧೦೭೨೦೧೭

*ಅಮುಭಾವಜೀವಿ*