ಹೇಗೆ ಮರೆಯಲಿ ಗೆಳೆಯ 

ನೀ ಬಿಟ್ಟು ಹೋದ ನೆನಪುಗಳ

ನೋಯುತಿದೆ ಈ ಜೀವ

ಸಹಿಸಲಾರೆ ಈ ಅಗಲಿಕೆಯ

ನಿನ್ನ ನಿತ್ಯದ ತುಂಟಾಟಗಳು 

ಕಣ್ಣ ಮುಂದೆ ಬಂದು ಹೋಗುತಿವೆ

ನಿನ್ನ ಒಡನಾಟವ ನೆನೆನೆನೆದು

ಹೃದಯ ಭಾರವಾಗಿದೆ ಈ ಸಾವು ನ್ಯಾಯವೆ 

ಅರ್ಜಿಸಿಕೊಳ್ಳಲಾರೆ ಅರ್ಜುನ 

ನಿನ್ನ ಈ ವಿದಾಯ

ಕಣ್ಣೆದುರೇ ಕೈತಪ್ಪಿಹೋದೆ

ಕರುಣೆಯಿಲ್ಲ ಸಾವಿಗೆ 

ಇಷ್ಟೇ ನಮ್ಮಿಬ್ಬರ ಋಣಾನುಬಂಧ 

ಹೋಗು ಗೆಳೆಯ ಮತ್ತೆ ಬರದಿರು

ಈ ಪಾಪಿ ಜಗದಲಿ ಪ್ರೀತಿಗೆ ನೆಲೆಯಿಲ್ಲ

ನಿನ್ನ ಮೇಲೆ ಅಮಾಯಕ ಜೀವಕೆ ಬೆಲೆಯಿಲ್ಲ 

ಕಂಬನಿಯಲಿ ಬೀಳ್ಕೊಡುವೆ

ಕರದಿಂದೆತ್ತಿ ಅಂತ್ಯಸಂಸ್ಕಾರಗೈವೆ

ಈ ನೋವು ನಿರಂತರ 

ನಿನ್ನ ಸಾವು ಬಲು ಘೋರ 

0946ಪಿಎಂ05042021

ಅಪ್ಪಾಜಿ ಎ ಮುಸ್ಟೂರು 

ಪ್ರೀತಿಯ ಅರ್ಜುನನ ದುರಂತ ಸಾವಿನ ಕುರಿತು ಬರೆದದ್ದು