ಬಾಳ ಪಯಣದ ಹಾದಿಗೆ
ನೆರಳಂತೆ ಬಂದವಳು
ನೆಮ್ಮದಿಯ ಬದುಕಿಗೆ
ಇವಳೆ ಬೆಳದಿಂಗಳು

ಕರುಳು ಬಳ್ಳಿಯ  ಒಡನಾಡಿ
ಕರುಣೆ ತುಂಬಿದ ಜೀವನಾಡಿ
ಮಗಳೆಂಬ ಮಮಕಾರದಿ
ಮನಮನೆಯ ತುಂಬಾ ಹಾರಾಡೋ ಬಾನಾಡಿ

ಚಂದನದ ಕಂಪಂತೆ ಇವಳೊಲವು
ಚಂಗುಲಾಬಿಯಂತೆ ಮನವು
ದಂತದ ಬೊಂಬೆಯ ಕಿನ್ದರಿಯು
ಖುಷಿಯ ನಾಳೆಗೆ ಭರವಸೆಯಿವಳು



ಒಡಲ ಕುಡಿಯಾಗಿ ಬಂದು
ಬಾಳಲತೆಯಲಿ ಸುಮವಾದಳಿಂದು
ಬದುಕು ಕೊಟ್ಟ  ಆತ್ಮಸಂಗಾತಿ
ಬವಣೆಗಳ ದೂರಗೈವ  ಆತ್ಮಬಂಧು

ಜೀವನ ಸುಧಾರಣೆಯ ಪಥದಲ್ಲಿ
ಸ್ಪಂದನೆಯ ಗುಣ ನಿನ್ನದಾಗಿರಲಿ
ನೂರಾರು ಕಾಲ ನಗುತ ಬಾಳು
ನಿನ್ನ ಜನ್ಮ ದಿನದ ಶುಭಾಶಯಗಳು

0602ಎಎಂ18062021
ಅಪ್ಪಾಜಿ ಎ ಮುಸ್ಟೂರು ಸುಧಾ