ಟಿಪ್ಪಣಿ

ನನ್ನ ದೃಷ್ಟಿಯಲ್ಲಿ
ಬರಹಗಾರನ ೧೦  ಲಕ್ಷಣಗಳು

೧ ತಾನು ಲೇಖಕ, ಲೇಖಕಿ ಎಂಬ ವಿಶೇಷ 
" ಭ್ರಮೆ "ಯನ್ನು ಕಿತ್ತು ಬಿಸಾಕಬೇಕು.

೨  down to earth ಅಂತಾರಲ್ಲ, ಅಷ್ಟು ಸಹಜ ಸರಳತೆ ಇರಬೇಕು

೩ ಅರ್ಧ ಕತೆ, ಒಂದು ಸಾಲು ಕವಿತೆ
ಬರೆದು ತನ್ನನು ತಾನು ಘೋಷಿತ ಬರಹಗಾರ ಎಂದು ತೀರ್ಮಾನಿಸಬಾರದು, ಅತ್ಯುತ್ತಮವಾದುದನ್ನು ಓದುತ್ತಿರಬೇಕು.

೪ ಪ್ರಶಸ್ತಿ  ಪುರಸ್ಕಾರ, ಇತ್ಯಾದಿ ಮೊದಲು
ದಕ್ಕಿದ ಕೂಡಲೇ ಬರಹ ನಿಲ್ಲಿಸಬಾರದು

೫ ಬರಹ  ಉಸಿರಿನ ಹಾಗೆ  ನಿರಂತರತೆ ಜೀವಮಿಡಿತದ ಹಾಗೆ ಸಹಜತೆ ಇರಬೇಕು

೬ ನದಿ ಗಾಳಿ ಬೆಳಕಿನ ಹಾಗೆ ಫಲಾಫಲ ನಿರೀಕ್ಷೆ ಇರದೆ ತನ್ನ ಪಾಡಿಗೆ ಬರೆಯಬೇಕು

೭ ತನ್ನಿಂದ ಜಗತ್ತು ಅಲ್ಲ, ತಾನು ಜಗತ್ತಿನ ಅತಿ ಸಣ್ಣ ಕಣ ಎಂಬ ನಿರ್ಮಮ ಭಾವ ಇರಬೇಕು

೮ ಸಣ್ಣ ನಿರ್ಲಿಪ್ತತೆ ಮತ್ತು ತೋರಿಸಿಕೊಳ್ಳದ ಅಂತಃಕರಣ ಒಟ್ಟೊಟ್ಟಿಗೆ ಕಟ್ಟಿಕೊಳ್ಳಬೇಕು

೯ ಲೋಕದ ನಿಂದೆ ಮತ್ತು ಜನಾನುರಾಗ ಎರಡನ್ನೂ ನಿಭಾಯಿಸುವ ಶಕ್ತಿ ಎದೆಗೆ ತಂದುಕೊಡಬೇಕು

೧೦ ಬರಹಗಾರನೇ  ಮುಖ್ಯ, ಬರಹ ಮುಖ್ಯ ಅಲ್ಲ ಎಂಬ ಒಣ ಹುಚ್ಚು ಹುಸಿಯನ್ನು ಬಿಡಬೇಕು.

ನಾಡಿಗ್
ದೀಪಾವಳಿ
೫/೧೧/೨೧