ದೀಪವಿರದ ಬಾಳಿನಲ್ಲಿ* ದೀಪವಿರದ ಬಾಳಿನಲ್ಲಿ /ಜ್ಯೋತಿಯನೆಲ್ಲಿ ತರಲಿ ಅಂಧಕಾರದ ತಿಮಿರದಲ್ಲಿ/ಪ್ರೀತಿಯನೆಲ್ಲಿ ಹುಡುಕಲಿ// /ಪ/ ವಿಧಿ ಬರೆದ ನಾಟಕದಲ್ಲಿ/ವಿಧಿಯಿಲ್ಲದೆ ನಟಿಸೋ ಪಾತ್ರ ನಾನು ಕರುಣೆಯಿರದ ಬದುಕಿನಲ್ಲಿ / ಬಸವಳಿದ ಕರುವು ನಾನು ಹೇಗೆ ಹೇಳಲಿ ಯಾರ ಕೂಗಲಿ/ಕೈ ಹಿಡಿದು ನಡೆಸುವವರಾರೋ /೧/ ಹರೆಯದಮಲು ನೆತ್ತಿಗೇರಿ/ಹಿರಿಯರ ಮಾತ ಗಾಳಿಗೆ ತೂರಿ ಪ್ರೀತಿಸಿದೆ ಪರೀಕ್ಷಿಸದೇ/ಪರಿತಪಿಸುತಿಹೆ ನಾನಿಲ್ಲಿ ಪ್ರೀತಿಯ ನಂಜು ಕೊಲ್ಲುತಿದೆ/ನನ್ನ ಉಳಿಸಿಕೊಳ್ಳುವವರಾರೋ /೨/ ಎಲ್ಲಿಹುದೋ ಆ ಹಣತೆ /ತರುವುದೇ ನನಗೊಂದು ಘನತೆ ಸೋತ ಪ್ರೀತಿಯ ಮತ್ತೆ ಪಡೆಯಲು/ಸಂತ ವಸಂತನಾಗುವನೇ ದಾರಿ ಕಾಣದೂರಿಗೆ ಮತ್ತೆ /ಪ್ರೀತಿಯ ದಾರಿದೀಪ ವಾಗುವವರಾರೋ /೩/ ೦೬೫೨ಎಎಂ೦೬೦೭೨೦೧೭ *ಅಮುಭಾವಜೀವಿ*