*೧•ಅಮ್ಮ ಎಂಬುದೇ* ಅಮ್ಮನ ಕೈತುತ್ತೇ ಸ್ವರ್ಗದ ಸಂಪತ್ತು ಅಮ್ಮನ ಸವಿಮುತ್ತೇ ಗೆಲ್ಲುವ ತಾಕತ್ತು /ಪ/ ಒಡಲಲಿ ಜಾಗವ ಕೊಡುವಾಗ ತಾಯಿಯ ಋಣದ ಆರಂಭ ಅಮ್ಮನೊಲವಿನ ಆಳದಲಿ ಮೀಯುವುದೇ ನಮಗೆ ಜಂಭ ಜಗವೇ ಸೋತಿದೆ ಅವಳ ಪ್ರೀತಿಗೆ ಮಗುವ ಮುಗ್ಧತೆಯಿದೆ ಅವಳ ಮಾತಿಗೆ /೧/ ನೋವಲೂ ನಲಿವಲೂ ಅಮ್ಮ ಎಂದರೆ ಎಲ್ಲಾ ನೋವು ಮಾಯ ಕನಸಲೂ ಮನಸಲೂ ಅಮ್ಮ ಎನ್ನದೆ ಸರಿಯದು ನಮ್ಮ ಸಮಯ ಅಮ್ಮ ಎಂಬುದೇ ಸಂಸ್ಕಾರ ಅಮ್ಮ ತೋರಳು ಎಂದೂ ಅಧಿಕಾರ /೨/ ಹಸಿವಿಗೆ ಅಮ್ಮನ ಕೈತುತ್ತು ದೂರ ತಳ್ಳುವುದೆಲ್ಲಾ ಆಪತ್ತು ಅಮ್ಮನಿಗಾಗಿ ಮಿಡಿಯುವ ಜೀವ ಕವಿತೆಯ ಹಡೆಯಿತು ಕವಿಭಾವ ಅಮ್ಮ ಎಂದರೆ ಸೋಲಿಲ್ಲ ಅಮ್ಮನ ಮರೆತರೆ ಬದುಕಿಲ್ಲ /೩/ ೦೭೨೧ಎಎಂ೧೨೦೯೨೦೧೭ *ಅಮುಭಾವಜೀವಿ*