ಸಾಲಿಗನು ನಾನು
ಕೂಲಿಗನು ನಾನು
ಈ ಜಗದ ಬಾಳೊಳಗೆ
ಇರುವ ಮೂರು ದಿನದೊಳಗೆ

ಹೆತ್ತು ಹೊತ್ತ ತಾಯಿ ಋಣದ ಸಾಲ
ಸಾಕಿ ಬೆಳೆಸಿದ ತಂದೆ ಋಣದ ಸಾಲ
ವಿದ್ಯೆ ಕೊಟ್ಟ ಗುರುವಿನ ಸಾಲದ
ಹೊರೆ ಹೊತ್ತ ಬಾಲನು ನಾನು

ಹೊತ್ತ ಭೂಮಿಯ ಸಾಲ
ಕುಡಿಯುವ ಗಾಳಿ ನೀರಿನ ಸಾಲ
ತಿನ್ನೋ ಅನ್ನ ಹೋಗೋ ಮಣ್ಣ
ಋಣಗಳ ಸಾಲ ತೀರಿಸ ಬಂದವ ನಾನು

ಅನ್ನಕ್ಕಾಗಿ ವೃತ್ತಿ ಹಿಡಿದು
ನಂಬಿದವರಿಗೆ ಆಸರೆಯಾಗಿ
ಬಾಳ ಬಂಡಿಯನೆಳೆವ
ಕೂಲಿಗನು ನಾನು

ಪ್ರೇಮ ಕಾಮಗಳಿಂದ ಒಂದಾಗಿ
ಕುಲಕೊಬ್ಬ ವಾರಸುದಾರನನಿತ್ತು
ಭವಿಷ್ಯದ ಬೆಳಕಿಗಾಗಿ
ಹಗಲಿರುಳು ದುಡಿಯುವ ಕೂಲಿಗನು ನಾನು

544ಪಿಎಂ01092005
ಅಮು ಭಾವಜೀವಿ