ತನ್ನದಲ್ಲದ ತಪ್ಪಿಗೆ ಸಿಲುಕಿ
ಮೈ ಮಾರಿಕೊಂಡವಳು ಸಾಕಿ

ಯೌವ್ವನವ ಸಂಭ್ರಮಿಸುವ ಮೊದಲೇ ಕಾಮ ಕ್ರಿಮಿಯ ತೃಷೆಗೆ ಬಲಿಯಾದವಳು ಸಾಕಿ

ಆಚಾರವನೇ ನಂಬಿದ  ಮನೆಯೊಳಗೆ
ವ್ಯಭಿಚಾರದ ಹೆಸರ ಹೊತ್ತು ಬಂದವಳು ಸಾಕಿ

ಹರಿದ ಬಟ್ಟೆಯೊಳಗಿನ ಅಂಗಾಂಗವನೇ
ಕಂಡು ಆನಂದಿಸುವಾಗ ನೊಂದವಳು ಸಾಕಿ

ಕಾಮದ ಕೊಚ್ಚೆಯಲ್ಲಿ ಬಿದ್ದು
ಪ್ರೇಮಕಾಗಿ ಹಂಬಲಿಸಿದ್ದಳು ಸಾಕಿ

ಮೈಯನುಂಡವರೆಲ್ಲ ಮನಸ್ಸು
ಕೊಂದರೆಂದು ನೊಂದಿದ್ದಳು ಸಾಕಿ

ಬೇಡದ ಬದುಕಿನಲ್ಲಿ ಕಾಡಿದ
ನೋವುಗಳಿಗೆ ಬಲಿಯಾದವಳು ಸಾಕಿ

ಅಮುವಿನಂತರಂಗವ ಕಲಕಿ
ಭಾವಯಾನದ ವಸ್ತುವಾದಗಳು ಸಾಕಿ

ಅಮು ಭಾವಜೀವಿ