ಬಂದ ಪ್ರವಾಹದಲ್ಲಿ ಕೊಚ್ಚಿ ಹೋಯಿತು ಬದುಕು
ಜೀವ ಕೈಯಲ್ಲಿ ಹಿಡಿಸಿ ನರಳಿತು ಬದುಕು

ಕಣ್ಣು ಮುಂದೆ ಮನೆಯು ಕುಸಿದು
ಬೀದಿಗೆ ಬಿದ್ದಾಯ್ತು ಬದುಕು

ಬಂಧು ಬಳಗದವರನೆಲ್ಲ ದೂರವಾಗಿಸಿ ದಿಕ್ಕಾಪಾಲಾಗಿ ಹೋಯಿತು ಬದುಕು

ಹೊಲ ಗದ್ದೆಗಳನೆಲ್ಲ ನುಂಗಿ
ಇನ್ನಿಲ್ಲದಂತೆ ನಾಶವಾಯಿತು ಬದುಕು

ಬೆಟ್ಟವೇ ಕಳಚಿ ಮಣ್ಣ ರಾಶಿಯೊಳಗೆ
ದಾರಿಯೇ ಮುಚ್ಚಿ ನರಕವಾಯಿತು ಬದುಕು

ಆಶ್ರಯಿಸಿದುದನೆಲ್ಲ ಹೊತ್ತೊಯ್ದು
ನಿರಾಶ್ರಿತವಾಯಿತು ಬದುಕು

ಸುರಿವ ಮಳೆಯಲ್ಲಿ ಕಣ್ಣೀರು
ಕೋಡಿ ಹರಿಸಿತು ಬದುಕು

ಅಮುವಿನಂತರಂಗದ ಬೋಧನೆಗೆ
ಕಿವಿ ಇರದೇ ಕಿವುಡಾಯಿತು  ಬದುಕು

ಅಮು ಭಾವಜೀವಿ
ಚಿತ್ರದುರ್ಗ