ಕೆಟ್ಟ ಜನರ ದುಷ್ಟ ನಿಲುವು
ಬದಲಾಗಿ ಹೋಗಲಿ ಇಂದು
ಶಿಷ್ಟ ಜನರ ಕಷ್ಟಗಳೆಲ್ಲವೂ
ತೀರಿಹೋಗಲಿ ಇಂದು

ಯುಗದ ಆದಿಯೂ ಜಗದ
ಬದುಕಿಗೆ ಆದರ್ಶವಾಗಲಿ
ಹಳೆಯ ಎಲೆ ಉದುರಿ
ಹೊಸ ಚಿಗುರು ಮೂಡಲಿ

ನೋವುಗಳ ಬೇಗೆ ಕಳೆದು
ನಲಿವಿನ ಹೊಂಗೆ ನೆರಳು ತಂದು
ಬೇವು ಬೆಲ್ಲದ ಸವಿಯನ್ನುಂಡು
ಜಗವು ನಲಿದಾಡಲಿ

ವಿಳಂಬಿಯು ಎಂದು
ವಿಳಂಬ ಮಾಡದೆ
ಜನರ ಆಸೆಗಳನ್ನೆಲ್ಲ
ಕ್ಷಣದಿ ಈಡೇರಿಸಲಿ

ಹೊಸ ಹೂವಿನ ನರುಗಂಪಿನಂತೆ
ಮನಗಳೆಲ್ಲವೂ ಅರಳಲಿ
ದುಂಬಿಬಂದು ಜೇನು ಹೀರಿದಂತೆ
ಸ್ನೇಹ ಬಂಧನ ಚಿರ ಉಳಿಯಲಿ

ಅವಮಾನ ಗಳೆಲ್ಲ ಕಳೆದು
ಅಭಿಮಾನ ತಾನೇ ಮೂಡಿ
ಬಹುಮಾನವಾಗಲಿ ಬದುಕು
ಕಳೆದು ಎಲ್ಲಾ ಕೆಡುಕು

0405ಪಿಎಂ17032018

ಅಮು ಭಾವಜೀವಿ