*ಘೋರ ದುರಂತ*

ಓ ಸಾವೇ ನಿನಗೆ ನ್ಯಾಯವೇ
ಈ ಘೋರ ದುರಂತಕ್ಕೆ ಕೊನೆಯಿಲ್ಲವೇ

ಕಿರಣ ಇನ್ನೂ ಬೆಳಗೇ ಇಲ್ಲ
ಮತ್ತೆ ಕತ್ತಲೆ ಕವಿಯಿತೇ
ಕನಸು ಇನ್ನೂ ಕಣ್ಣಲೇ ಇತ್ತು
ಕ್ಷಣದಲ್ಲಿ ಕಮರಿ ಹೋಯಿತೇ

ಸಾವೇ ನೀನೆಷ್ಟು ಘೋರವೇ
ನೋವಿಗೂ ನೋವಾಗುವಷ್ಟು ಕ್ರೂರವೇ
ಯಾವ ರೂಪ ನಿನ್ನದು
ಮೊದಲೆ ಹೇಳಬಾರದೇ

ಬದುಕ ಭರವಸೆಯೇ ಕಳಚಿ ಬಿತ್ತು
ಇರುವ ಒಂದು ಆಸೆಯು ನುಚ್ಚುನೂರಾಯಿತು
ಬೆಚ್ಚಿಬಿದ್ದಿದದೆ ಈಗ ಬದುಕು
ಇನ್ನೆಷ್ಟು ತಾಳಬೇಕು ಕೆಡುಕು

ಕಣ್ಣ ಮುಂದೆಯೇ ಹಾದು ಹೋದೆ
ಸಣ್ಣ ಸುಳಿವು ನೀಡದಾದೆ
ಗೆದ್ದು ನಗುವೆಯಾ ನೀನೀಗ
ಆ ನೋವ ಸಹಿಸುವುದೇಗೆ ಈಗ

ಕರುಣೆಯ ಪಾಠ ಕೇಳಿಲ್ಲವೇ
ಆಕ್ರಂದನದ ಶಾಪ ತಟ್ಟಲಿಲ್ಲವೆ
ಸಾಕು ಮಾಡು ಘೋರ ದುರಂತ
ಸೋತ ಜೀವವಾಗಲಿ ಶಾಂತ

0259ಪಿಎಂ24032018

*ಅಮು ಭಾವಜೀವಿ*