*ಈ ಕವಿತೆ*

ಎದೆಯ ಭಾವದಲ್ಲಿ
ಬಿರಿದ ಕಲ್ಪನೆಯಲ್ಲಿ
ಮೂಡಿಬಂತು ಕವಿತೆ
ಕಣ್ಣ ಭಾಷೆಯಲ್ಲಿ
ಮನದ ಆಸೆಯಲಿ
ಹೂವು ಅರಳಿದಂತೆ

ನೋವುಗಳನ್ನೆಲ್ಲ ಸಹಿಸಿ
ಖುಷಿ ಅನುಭವಿಸಿ
ಬರೆದ ಸಾಲು ಈ ಕವಿತೆ
ಕಂಡ ಶೋಷಣೆಯ
ಬಂದ ದೂಷಣೆಯ
ದಾಖಲಿಸಿದ್ದು ಈ ಕವಿತೆ

ಯಾರದೋ ಹಂಗಿನಲ್ಲಿ
ಯಾವುದೋ ಗುಂಗಿನಲ್ಲಿ
ಹುಟ್ಟಿದುದಲ್ಲ ಈ ಕವಿತೆ
ನನ್ನೊಳಗೆ ನೆರಳಾಗಿ
ನೊಂದವರ ಕೋರಲಾಗಿ
ಧ್ವನಿಯೆತ್ತಿತು ಈ ಕವಿತೆ

ಸೋತ ಜೀವದ ಭರವಸೆಯಾಗಿ
ಬದುಕುವಾಸೆಗೆ ಒತ್ತಾಸೆಯಾಗಿ
ಹುಟ್ಟಿತು ಈ ಕವಿತೆ
ಮತ್ತೆ ಮತ್ತೆ ನೆನಪಾಗಿ
ಬತ್ತಿದೆದೆಯ ಸ್ಪೂರ್ತಿಯಾಗಿ
ಬೆಳೆದುಬಂತು ಬಾಳ ಕವಿತೆ 

0631ಎಎಂ24042018

ಅಮು ಭಾವಜೀವಿ