ಬಡವರು ನಾವು ಬಡವರು
ಬಡಿವಾರವೇ ಗೊತ್ತಿಲ್ಲದವರು
ಹಸಿವನ್ನು ಸಹಿಸಿಕೊಂಡು
ದಬ್ಬಾಳಿಕೆಯ ನುಂಗಿಕೊಂಡು
ಬದುಕುವವರು ನಾವು ಬಡವರು

ನಾಳೆಗಳ ಕನಸು ಇಲ್ಲದವರು
ನಿನ್ನೆಗಳನೇ ಹಾಸಿ ಹೊದ್ದವರು
ಇಂದೇ ಸುರಿಸಿ ಎಲ್ಲ ಬೆವರು
‌ದಣಿವೆಂದು ನೆಲ ರಾವಿದವರು
ಮತ್ತೆ ಬೆಳಗೆದ್ದು ಅಣಿಯಾದವರು

ಅಕ್ಷರದ ಬೆಳಕು ಕಾಣದವರು
ಅನ್ನಕಾಗಿ ಕೈಚಾಚಿ ನಿಂತವರು
ಇನ್ನೇನು ಎಂದು ತಿಳಿಯದವರು
ಗಟ್ಟಿ ಮಾತಿನ ಶಕ್ತಿ ಇಲ್ಲದವರು
ಹುಲಿ ಕಂಡ ಹುಲ್ಲೇ ಎಂತಾ ದವರು

ಆ ದೇವರ ಶಾಪಕ್ಕೆ ತುತ್ತಾದ ಅವರು
ಧಣಿಗಳ ಕೋಪಕ್ಕೆ ಸ್ವತ್ತಾದವರು
ಮಣಭಾರ ಹೊತ್ತು ಹೆಣಗುತ್ತಿರುವವರು
ಹೆಣವಾದರು ಸಾಲದ ಋಣ ತಿರಿಸದವರು
ಪಾಪಕ್ಕೆಂದೇ ಈ ಭೂಮಿಗೆ ಬಿದ್ದವರು

ನೆರಳಿಗಾಗಿ ಹಂಬಲಿಸುವವರು
ಮೇಲೆತ್ತುವ ಬೆರಳ ನಂಬಿದವರು
ಮಕ್ಕಳು ಮರಿಗೆ ಹಸಿವಿತ್ತವರು
ಉಳ್ಳವರ ಕಾಲ ಎಕ್ಕಡವಾದವರು
ಇಲ್ಲವಾದವರು ನಾವು ಬಡವರು

05 02 ಪಿಎಂ 15 12019
*ಅಮುಭಾವಜೀವಿ*