ನೀನು ಭಾವ ನಾನು ಅಕ್ಷರ
ನಾವಿಬ್ಬರೂ ಇಲ್ಲದಿರೆ ಬಾಳು ನಶ್ವರ
ನೀ ಹೊಮ್ಮಬೇಕು ನಾ ಚಿಮ್ಮಬೇಕು
ಪ್ರೇಮಗೀತೆಯೊಳಗೆ ನಾವು ಹಾಡಾಗಬೇಕು

ಛಂದ ಛಂದಸ್ಸು ಸಂಧಿಗೊಂದಿಗಳ
ಹಂಗು ನಮಗೇಕೆ ಹೇಳು
ಉಪಮೆ ರೂಪಕಗಳ ಅಮಲೇರಿ ಹೊರಳಾಡಲು ಹಸಿರಾಗುವುದು ಬೀಳು

ಯೌವನದ ವಿರಹ ವೇದನೆಯಲ್ಲಿ ಒಲವಿನ ಸುಳಿಗಾಳಿಯ ಭರವಸೆ
ಗಂಡು-ಹೆಣ್ಣು ಕೂಡಿ
ಲಗ್ನವಾಗಲದುವೇ ಹಸೆ

ಪ್ರೇಮ ಕಾಮ ಎಲ್ಲ ತೂರಿ ಗಾಳಿಗೆ
ನಿನಗೆ ನಾನು ನನಗೆ ನೀನು ಸಾಕು ಬಾಳಿಗೆ
ನನ್ನ ನಿನ್ನ ಮಿಲನ ಸಾಕ್ಷಿಗೆ
ಚಂದನವ ತೇಯ್ದ ರೂಪ ಕೂಸಿಗೆ

ಯಾರ ಹಂಗೂ ಯಾವ ಗುಂಗು
ಬೇಡ ನಮ್ಮ ಪ್ರೀತಿಗೆ
ನೀನು ಬಡವಿ ನಾನು ಬಡವ
ಒಲವೊಂದೇ ಸಾಕು ನಮ್ಮ ಖುಷಿಗೆ
11102014
*ಅಮು ಭಾವಜೀವಿ*