ಕ್ರೂರ ಮಾನವನೇ ನಿನ್ನ
ಘೋರ ಆಸೆಗೆ ನಾ ಬಲಿಯಾದೆ
ನನ್ನನ್ನೇ ನಂಬಿ ಸುಮ್ಮನೆ ಕೂರದೆ
ವಿನಾಶದ ಅಂಚಿಗೆ ತಳ್ಳಿದೆ

ಎಲ್ಲ ಜೀವರಾಶಿಗಳನು ನಾಶಗೈದು
ನೀನೊಬ್ಬನೇ ಬದುಕಲು ಆಸೆ ಪಟ್ಟೆ
ಸಹಬಾಳ್ವೆಯ ಮಹತ್ವವನ್ನು
ತಿಳಿಯದೆ ನೀನೇ ಕೆಟ್ಟೆ

ಬರ ಬಂದಾಗ ನನ್ನನ್ನೇ
ದೂಷಿಸುವ ಮಾತನಾಡಿದೆ
ನರ ನೀನು ಎಲ್ಲದಕ್ಕೂ
ಕಾರಣವಾಗಿ ನರಕವಾಗಿಸಿದೆ

ಗಿಡಮರಗಳ ಕಡಿದು
ಭೂಮಿಯ ಆಗೆದು
ಎಲ್ಲ ಬರಿದು ಮಾಡಿದೆ
ನೀರಿಲ್ಲದೆ ನರಳಾಡಿದೆ

ನನ್ನ ನಿಯಮವನ್ನು ಮೀರಿ
ವರ್ತಿಸಿದೆ ಹದ್ದು ಮೀರಿ
ನನ್ನ ನಿಯಂತ್ರಣ ತಪ್ಪಿ
ಒದ್ದಾಡುತ್ತಲೇ ಇರುವೆ ಸಿಕ್ಕಿ

ಇನ್ನಾದರೂ ಎಚ್ಚೆತ್ತುಕೋ
ಪ್ರಕೃತಿ ರಕ್ಷಣೆಗೆ ನಿಂತುಕೋ
ಮುಂದಿನ ಪೀಳಿಗೆಗಾದರೂ
ಉಳಿದುಕೊಳ್ಳಲಿ ಒಂದಿಷ್ಟಾದರೂ

1017ಎಎಂ11102018

ಅಮು ಭಾವಜೀವಿ
ಮುಸ್ಟೂರು