ಅವಳೆಂದರೆ
ಬಣ್ಣಗಳನೆರಚದೇ
ರಂಗು ರಂಗಾದವಳು
ಹುಣ್ಣು ಎಂದು ಭಾವಿಸಿದಲ್ಲಿ
ಹಣ್ಣಾಗಿ ಸವಿಯಿತ್ತವಳು
ಕಣ್ಣಾ ಗಲು ಬಂದು
ಕಣ್ಣೀರ ಧಾರೆ ಸಹಿಸಿ ದವಳು ಮಮತೆಯಲ್ಲಿ ವಂಚಿತಳಾದರು
ಮಡಿಲ ಪ್ರೀತಿಯ ಧಾರೆ ಎರೆದವಳು
ಅವಳೇ ಇವಳು
ನನ್ನ ಬದುಕಿನ ಬೆಂಬಲವಾದವಳು

ಅವಳೆಂದರೆ
ಈ ಉರಿ ಬಿಸಿಲಲ್ಲೂ
ತಂಪು ನೀಡುವ ನೆರಳು
ಮಾತು ಮೌನವಾಗಿರಲು
ಇಂಪಾಗಿ ನುಡಿಯುವ ಕೋಕಿಲ ಕೊರಳು
ಒಂಟಿತನದ ಭೀಕರತೆಯಲ್ಲೂ
ಏಕಾಂತದ ತಂಗಾಳಿ ಆದವಳು
ಬಸವಳಿದ ಬದುಕಲ್ಲೂ
ಯಶ ಗಳಿಸಲು ಸ್ಪೂರ್ತಿಯಾದವಳು
ನಾನು ಇಲ್ಲಿ ಇದ್ದೇನೆ ಎಂದರೆ
ಅದಕ್ಕೆಲ್ಲ ಕಾರಣವಾದಗಳು

ಅವಳೆಂದರೆ
ನೀ ಬರದ ಬೇಗೆಯೊಳಗೂ
ತಂಪಾಗಿ ಸುಳಿದವಳು
ಉಕ್ಕುವ ಪ್ರವಾಹದೊಳಗು
ಹುಲ್ಲುಕಡ್ಡಿಯ ಆಸರೆಯಾದವಳು
ಬೇಸರದ ಮರುಭೂಮಿಗಳಗೆ
ಮತ್ತೆ ಚಿಮ್ಮುವ ಸಿಹಿ ಬುಗ್ಗೆ ಇವಳು
ಸಾಗರದ ತೀರದೊಳಗೂ
ಸಿಹಿ ನೀರ ಒರತೆಯಾದವಳು
ಹೆಸರಿಲ್ಲದ ಬದುಕಿಗೆ
ಉಸಿರಾಗಿ ಜೀವ ತುಂಬಿದವಳು

ಅವಳೆಂದರೆ
ಇರುಳ ಬಾನಿನೊಳಗೆ
ಬೆಳದಿಂಗಳ ಆದವಳು
ಮುಂಜಾನೆಯ ಮಂಜಿನಲಿ
ಮರಿ ಸೂರ್ಯನಂತೆ ಹೊಳೆಯುವವಳು
ಹೂವಿನೆದೆಯಲಿ ಮಲಗಿ
ಗೊಯ್ಗುಡುವ ದುಂಬಿ ಇವಳು
ಕಲ್ಪವೃಕ್ಷದ ಕಾಯಿಯೊಳಗೆ
ಪರಿಶುದ್ಧ ಜಲವಾದವಳು
ಬೀದಿಗೆ ಬಿದ್ದ ಬದುಕನ್ನು
ಎತ್ತಿ ನಿಲ್ಲಿಸಿದವಳು

0206ಪಿಎಂ21032019