ಬಾನ ಬಯಲಿನಲಿ
ಹೊಳೆಯುತ್ತ ಬಂದ
ದಿನದ ಒಡೆಯ ಸೂರಪ್ಪ
ತನ್ನಯ ಕಾಯಕ ಮಾಡುತ್ತಾ
ಜಗವ ಬೆಳಗುವ ನಿಮಿತ್ತ
ತೋರಿದ ಬಿಸಿಲ ಪ್ರತಾಪ

ಮನೆಯ ಮಂಜಿನ ಜೊತೆಯಲಿ
ಅರಳುವ ಹೂಗಳ ನಗುವಲ್ಲಿ
ಆಹಾ ! ಎಂಥ ಸೊಗಸಿದು ಮುಂಜಾನೆ
ಹಕ್ಕಿಗಳ ಚಿಲಿಪಿಲಿ ಜೊತೆಗೆ
ಹರಿಯುವ ಸಲಿಲದ ಮೋಡಿಗೆ
ಮೂಡಿತು ಮನದಲಿ ಹೊಸ ಭಾವನೆ

ನಿಸರ್ಗವೇ ನಮಿಸಿತು ತಲೆಬಾಗಿ
ಬೆಳಕನು ತಂದ ರವಿಗಾಗಿ
ದಿನವೆಲ್ಲವೂ ಸಂಭ್ರಮಿಸುತ್ತ
ದಿನಕರ ಇವನೆಂಥ ಚೆಲುವ
ತೆರೆದಿಟ್ಟ ಜಗದ ಸೊಗವ
ಎಲ್ಲರೂ ಸವಿಯಿರಿ ಎನ್ನುತ್ತ

06:58 ಎ ಎಂ 11 4 2019

*ಅಮು ಭಾವಜೀವಿ*