*ಭಾವಯಾನ ೧೧*

ವಸಂತದ ಚಿಗುರು ಬಲಿತು
ವರ್ಷಧಾರೆಗಾಗಿ ಹಂಬಲಿಸಲು
ಮುಂಗಾರಿನ ಅಭಿಷೇಕಕೆ
ಇಳೆ ತಣಿದು ಸಂಭ್ರಮಿಸಲು
ಮಣ್ಣ ವಾಸನೆಯ ಕಂಪನು
ಸವಿಯಲು ಹೊರಟಿದೆ
ಕವಿಮನದ ಈ ಭಾವಯಾನ
ಎಂದೆಂದಿಗೂ ನವ ಚೇತನ
ಬುವಿಯ ಮೇಲಿನ ಈ ಜೀವನ

0643ಎಎಂ29052019

*ಅಮು ಭಾವಜೀವಿ*

ಮೂಡಣದ ಬಾನಲ್ಲಿ
ರವಿಯುದಯದ ಆಗಮನ
ಮೂಡುತಿಹ ಬಾನುಲಿಯಲಿ
ಭಕ್ತಿ ಭಾವದ ಆರಾಧನ
ಮುಂಜಾನೆಯ ಇಬ್ಬನಿಯಲಿ
ಹೊಳೆವ ಕಾಮನಬಿಲ್ಲಿನ ಚಿತ್ರಣ
ನಿದಿರೆಯಿಂದೆದ್ದ ಮನಕೆ
ಸವಿಭಾವವ ಮೂಡಿಸಿತು
ಈ ಭಾವಯಾನ

ಶುಭೋದಯ

ಅಪ್ಪಾಜಿ ಎ ಮುಸ್ಟೂರು