ಬಾಳ ರಮ್ಯ ಚೈತ್ರ ಗಾನ

ಬಾಳ ಹಾದಿಯ ನೆರಳಾಗಿ
ಒಂಟಿ ಜೀವನಕೆ ಜೊತೆಯಾಗಿ
ಬಂದೆ ನೀನು ವರವಾಗಿ
ನವ ವರ್ಷಗಳ ಕಳೆದೆ ಖುಷಿಯಾಗಿ

ಭಾಗ್ಯವಂತನು ನಾನು
ನಿನ್ನ ಕೈ ಹಿಡಿದ ಘಳಿಗೆ
ಬದುಕಿಗೊಂದು ನೆಲೆ ಸಿಕ್ಕು
ಬದಲಿಸಿತು ನಮ್ಮ ಬದುಕಿನ ದಿಕ್ಕು

ಜಾಗರೂಕತೆಯಿಂದ ಬಾಳೋಣ
ನಾನು ನೀನು ಸುಖವಾಗಿರೋಣ
ಭಾವನೆಗಳ ಮುನ್ನುಡಿ ಬರೆದು
ಭಾಗ್ಯದ ಬಾಗಿಲ ತೋರಣವಾಗೋಣ

ಬದುಕಿಗೊಂದು ಬೆಲೆ ಬಂತು
ಸುಖಕೊಂದು ನೆಲೆಯಾಯ್ತು
ನಿನ್ನಿಂದ ನನಗೆ ನನ್ನಿಂದ ನನಗೆ
ಬಾಳಲು ಪ್ರೇರಕ ಶಕ್ತಿಯಾಯ್ತು

ಹೀಗೆ ಸಾಗಲಿ ನಮ್ಮ ಜೀವನ
ಬಾಳಾಗಲಿ ಸುಂದರ ಕವನ
ನಮ್ಮ ಈ ಸಹಯಾನ
ನವ ವಸಂತದ ರಮ್ಯ ಚೈತ್ರ ಗಾನ

0719ಪಿಎಂ08052019
ಅಮು ಭಾವಜೀವಿ

ಮಧುಮತಿ ಪಾಟೀಲ್ ಬಳ್ಳಾರಿ ಅವರ ಪ್ರತಿಕ್ರಿಯೆ

ಸರ್ ಸಂಸಾರವನ್ನು ಸಸಾರವಾಗಿ ತೆಗೆದುಕೊಂಡರೆ ಬಾಳೊಂದು ಸುಂದರ ಕವನವಾಗುತ್ತದೆಂದು ಸ್ಪಷ್ಟವಾಗಿ ಬಿಂಬಿಸಿದ್ದೀರಾ,ಸೂಪರ್.ಙ